20 авг 2016 11:38Тоҷикистон / Ҷавонон ва варзиш / Дидгоҳи хос

Субҳи пирӯзии миллат, муборак!

Азизи НАҚИБЗОД

Ин субҳи Тоҷикистон ангор босафотар аз рӯзҳои дигар буд…
Гӯиё офтоб рӯшантару гуворотар шаъшаъа мепошид…
Ин субҳ муждаи пирӯзии Дилшодро ба миллат расонд.
Ин саҳар Дилшод тамоми миллатро дилшод кард!
Пирузии Дилшод пирӯзии миллат, ғалабаи умеду бовар ба ноумедист!
Бовар ва умед ба фардои рӯшан, муждаи бомдод пас аз шомҳои тирра!
Дигар Дилшод барои тоҷикон намоди мубориза ва зафар гардид!
Оре, намоди шарафу шарофатмандӣ!
Дилшод барои мо салои пирӯзӣ хонд!
Дилшоди гурд дар фазои кишвар танини ифтихор андохт!
Дилшод ба мардуми худ нишон дод, ки кушишу ғайрату ҷасорат чист! Ва натиҷаи ин ҳама муборизаро низ.
Дилшод гӯиё ба гӯши ҳар кадомамон гуфт, ки метавон пируз шуд, ғолиб буд!
Ин субҳ гӯиё Дилшод маззаву таъм ва нашъаи иззатро ба тоҷикон чашонд!
Дилшод бо салобаташ салобати миллатро ба намоиш гузошт!
Салобати Рустами Дастонро!
Салобати тоҷики сарфарозу пурғурур!
Дилшод барои мо исбот кард, ки “хостан тавонистан аст”!
…ва натиҷаи мубориза ғолибият аст!
…ва сарбаландист!
…ва иззат!
…ва нанг!
…ва шараф!
Муборакат бод, Рустами замон!
Хуҷаста бод, Исфандиёри даврон!
Фархунда бод, миллат!
…ва то бод чунин бодо!

Мӯҳр

Хабарҳои монанд:

Ватандуст

Эрон бо 80 милён ахоли як медали биринчи онро хам як бону дар риштаи дзюдо гирифт. Точикистон бо 8 млн сохиби медали тилло шуд.. То бод чунин бодо! Медалхо каторак шаванд....

Ҷавоб диҳед Иқтибос Шикоят

Сухроб

ИФТИХОРИ МИЛЛАТ!

Ҷавоб диҳед Иқтибос Шикоят

Хуршед

Офарин Дилшодчон, нангу ори точикону точикистон.

Ҷавоб диҳед Иқтибос Шикоят

Ориёи

Офарин дилшод. Канд зан. Ту ифтихори миллат хасти. Ба кадри чунин ЧАВОНМАРД бояд расид. Миллатро дар чахон муарифи карди. Бовар кун, бо ту тамоми точику точикистони мефахрад. ТУ РУСТАМИ ЗАМОН ХАСТИ, ТУ ЛОИКИ НОМИ ХУД ХАСТИ-ДИЛШОД, КИ САРИ МО ХАМВАТАНОНРО БАЛАНД ВА ПАРЧАМИ МИЛЛАТРО АЗ КУЛЛАХОИ ОСМОНБУСАШ БАЛАНДАР ГАРДОНДИ.НОМИ НАСАБИ ТУРО ДАР САХИФАИ ТАЪРИХИ МИЛЛАТ БО ХАРФХОИ КАЛОН- КАЛОН НАВИСТАН ЛОЗИМ АСТ. ОФАРИН!

Ҷавоб диҳед Иқтибос Шикоят

Садриддин

Гурзи Рустам бенишон буду, ба дасти мо расид,
Субхи тиллоии шухрат ба сари миллат дамид
Эй зихи Дилшод, аз нанги ватандории ту,
Парчами мо парфищон гардида дар рузи саид.
Обру аз оби тиллоиист дигар пурчило,
Худшиноси гашт тиллоиву – тилло шуд зи мо.
Руи худ бо оби тилло шуст Дилшоди Назар,
Баъд аз ин хуршед мегирад зи руи у зиё.
Гурзпартои агар аз давраи бобои аст
Дар нишони худшиноси лолои аст.
Баъд аз ин, ки дастболо гашт Дилшоди Назар,
Ному нанги Точикистон дар чахон тиллои аст.
(Давлат Сафар)

Ҷавоб диҳед Иқтибос Шикоят

Номдор

Ватандуст,
Эрон 8 медал гирифт ки сетои он тилло буд.

Ҷавоб диҳед Иқтибос Шикоят

Эзоҳ илова кунед