Боз як муҳоҷири тоҷик маблағи ёфтаашро баргардонд
Ин шаҳрванди Тоҷикистон Рустам ном дошта, ба торнамои “URA.Ru” гуфтааст, сумкаи занонаро аз дохили аробачаи холие дар истгоҳи мошинҳои порки “Радуга” пайдо кард: “Аввал фикр кардам, ки онро ба мағоза медиҳам, аммо дар интернет дида будам, ки нафаре мегуфт, маблағи ёфтаашро ба маъмурияти мағозае супурд, аммо намедонад, ки он ба соҳибаш баргардонда шуд ё на. Аз ин рӯ гуфтам, худам онро ба соҳибаш бармегардонам".
Ба гуфтаи Рустам, ӯ аз дохили сумка як телефон пайдо кард: “Онҷо навишта шуда буд, ки “Юля дочка”. Ба он рақам занг задам ва омада сумкаро гирифтанд”.
Ба иттилои манбаъ, дохили сумка санад ва беш аз 100 ҳазор рубл будааст: “Мехост, ки ба ман пул диҳад, аммо гуфтам, лозим нест. Шукри Худо ҳама чӣ дорам. Танҳо ҳамчун инсон хостам он чи пайдо кардам ба шумо баргардонам. Номи ман Рустам аст ва тоҷик ҳастам. Дигар чизе лозим нест”.
Ба иттилои сомонаи “URA.Ru” Рустам 15 сол буда, ки дар Урал зиндагӣ мекунад ва асосан ба корҳои сохтмон машғул аст: “Маро волидонам чунин тарбия кардаанд. Ман чизи пайдокардаро баргардондам ва худро хушбахт эҳсос мекунам, ки ба касе ёрӣ додам”.
Ин бори аввал нест, ки исми муҳоҷирони тоҷик барои баргардондани маблағҳои ҳангуфти ёфтаашон расонаӣ мешавад. Соли гузашта Равшан Файзалов ном шаҳрванди Тоҷикистон, ки ба ҳайси ронандаи мусофиркаш кор мекард, 850 ҳазору 200 рубли фаромушшудаи як мусофири худро ба соҳибаш баргардонд. Ҳамон сол Забеҳуллоҳ Шафеъзода, ки дар Маскав ронандаи таксӣ аст, ҳамёни пур аз корти бонкӣ ва пули ёфтаашро ба соҳибаш дод. Моҳи феврали имсол бошад, Шерзод Насруллоев корманди фурӯшгоҳи “Реал гипермаркет” дар Маскав сумкаеро бо 520000 рубли русӣ пайдо карда, ба соҳибаш баргардонд..
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
