Эраҷ Нидоев: Ба одамон мегуфтам, ҳадафмандам, чаро ки тоҷик ҳастам
Ин ҷавони 26-сола гуфтааст, миллияташ ҳам як дарди бузург ва ҳам манбаи илҳом аст: “Ба масъалаи миллият хеле сахт бархурд мекунам. Ҳатто пас аз гузаштани солҳои дароз шӯхиҳо дар ин мавридро бо дард қабул мекунам”.
Ба қавли Нидоев, ҳар касе ки ҷойи таваллудашро бипурсад, зуд ҷавоб медиҳад, “аммо, вақте маро “гастарбайтер” мегӯянд, масъала мушкил мешавад. Воқеан бо ин чиз ҳам дар кор ва ҳам дар кӯча дучор мешавам”.
Ин зодаи Тоҷикистон, ки риштаи рӯзноманигории Донишгоҳи давлатии Маскавро хатм кардааст, бо ишора ба даврони мактабхониаш гуфтааст: “Замони мактабхонии ибтидоӣ ва миёна яке аз ҳамсинфон маро “чурка” мегуфт. Он вақт ҳатто маънояшро намедонистам”.
Эраҷ Нидоев, ки ҳоло бо “The Moscow Times” ва “EurasiaNet” кор мекунад, изҳор дошта, ӯро танҳо як маротиба 6 сол қабл барои миллияташ латту кӯб кардаанд: “Фикр намекунам, ки онҳо тоссарҳо буданд. Эҳтимолан чанд авбоши маст, ки чеҳраам барояшон писанд набуд. Биниямро шикастанд. Чизи ҷолиб он буд, ки ман ба замин задам ва гуфтам, чӣ кор мекунед? Ман худиям. Гуфтанд на, ба ҳеч ваҷҳ худӣ нестӣ”.
Ба таъкиди ин ҷавони тоҷик ҳамаи ин қазияҳои марбут ба миллат бетаъсир намондаанд: “Фикр мекунанд ҳамаи онҳое, ки аз Осиёи Марказӣ ва Қафқоз меоянд, густоханд ва ба навъе дигаранд. Ва бархе воқеан чунин ҳастанд. Ғолибан ин як механизми дифоӣ аст, ки туро инҷо намепазиранд ва бегонаӣ”.
Дар ҷойи дигаре аз суҳбатҳояш афзуда, “замоне миллияти ман уқдаи ман буд. Барои чанд муддат аз тоҷик будани худ шарм медоштам. Ба хотири он ки бо ман суҳбат кунанд, бардурӯғ худамро турк мегуфтам. Баъдан ба ин дарк расидам, ки аз ҳамаи ин мавзӯи миллат бароям чизи мусбате дарбиёрам. Ба одамон мегуфтам, ки хеле ҳадафмандам чаро ки ман тоҷик ҳастам ва ин як чизи хуб аст. Шояд ин мавқеи соддалавҳона ва як хунгармии ҷавонӣ бошад, аммо ман дар воқеъ мехостам муносибати мардумро ба миллати худ тағйир диҳам. Мехостам фаҳмиши қолабиро аз тоҷик дур кунам, ки тоҷик ҳатман таҳсилнадида, заиф ва муҳоҷири беҳимоят аст. Ман ки ин гуна нестам”.
Эраҷ дар идомаи ин суҳбатҳо илова карда, ки ҳар вақте гуфтугӯҳои бад дар мавриди муҳоҷирон ва миллият мешунавад, худашро тоҷик муарифӣ мекунад: “Ман дӯст медорам, ки дар ин масъала вориди муноқиша шавам”.
Ӯ бо ишора ба мавзӯи тоҷикон дар Русия гуфтааст: “Ман дар миёни тоҷикон ва узбакҳо дӯст надорам. Шиносҳо ҳастанд, аммо дӯст на. Албатта, агар бинам, ки як тоҷик таҳсилкарда аст, бароям худист. Ӯ бояд тоҷик бошад, аммо ҳамсони ин ҷомеа. Фақат бояд нишон дод, ки ту дӯст дорӣ пешрафт дошта бошӣ. Он вақт миллати ту лозим намешавад”.
Эраҷ Нидоев дар поёни матлабаш гуфтааст, бояд талош кард аз худ як чеҳари мусбат нишон дод: “Гирем, тоҷикон бо меҳмоннавозиашон маъруфтанд. Ба ман мегӯянд, ки меҳмоннавоз ва саховатмандам. Ин чиз бароям хушоянд аст.”
Ин ҷавони тоҷики муқими Маскав ба зиндагии хусусии худ пардохта гуфтааст дар оилаи шарқӣ бузург шуда, аммо падараш талош кард дар руҳияи арзишҳои ғарбӣ тарбия ёбад: “Масалан, тамоми оилаҳои тоҷик бо волидайни худ “Шумо” гуфта ишора мекунанд. Падарам ҳеч вақт инро нахост”.
Ба гуфтаи Эраҷ, нисбат ба солҳои пеш ҳоло одамони таҳсилдида ба Русия бештар мераванд ва дар шуғлҳои мӯътабар кор мекунанд: “Одамони деҳотӣ ҳам ба мактаб мераванд ва бо ҷомеаи унс мегиранд. Ман фикр мекунам муносибат ба маънои мусбат тағйир мекунад”.
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
