13 авг 2016 09:21Тоҷикистон / Сиёсат

Э.Раҳмон ду додрасро барои "содир намудани кирдоре, ки шаъну эътибори судяро паст мезанад" аз вазифа барканор кард

Эмомалӣ Раҳмон, раисиҷумҳури Тоҷикистон бо судури фармонҳо ду судя ва ду раиси додгоҳро аз вазифа барканор кардааст.

Дафтари матбуоти Президент мегӯяд, бо фармонҳои Эмомалӣ Раҳмон Шоҳзода Исроил Назаралӣ аз вазифаи раиси суди ноҳияи Рӯдакӣ, Сангинзода Хуршед Алӣ аз вазифаи раиси суди ноҳияи Бобоҷон Ғафурови вилояти Суғд озод карда шуданд. Сабаби барканории Хуршед Сангинзода “бинобар содир намудани кирдоре, ки шаъну эътибори судяро паст мезанад” гуфта шудааст.

Раисиҷумҳур Саидзода Искандар Туйчиро низ барои “риоя накардани қонун ҳангоми баррасии парвандаҳо ва содир намудани кирдоре, ки шаъну эътибори судяро паст мезанад” аз вазифаи судяи суди ноҳияи Рӯдакӣ барканор кардааст. Холиқзода Халил Ҷумабой бошад, аз вазифаи судяи суди шаҳри Душанбе бинобар эътибори қонунӣ пайдо кардани ҳукми айбдоркунанда, ки нисбати ӯ бароварда шудааст,озод гардидааст.

Мӯҳр

Хабарҳои монанд:

Чамшед .Душанбе.

Бояд,ки 90% судяву додрасхо барканор шаванд.Зеро конун барои онхо як "бозичае"беш нест!Вакте панч сол паи як бахс дар Судхо будам,шохиди бевоситаи он будам,ки аз Конун болотар ба истилох"Тага"ваё маблаг меистодааст!

Ҷавоб диҳед Иқтибос Шикоят

Кухистони

Ки бо ман шарт мекунад, ки хамаи ин барканор шудагон боз дар ягон райони дигар ба кор монда мешаванд, яъне то мурданашон чи коре накунанд дар вазифа мемонанд.

Ҷавоб диҳед Иқтибос Шикоят

Садом

Амале, ки хама мардуми озодандеш интизораш буд. Оре, бигзор ин тачриба дар оянда низ давом дода шавад. Зеро хамаи робарон аз аъмоли содирнамуда ва содиркардании зертобъонашон ба хуби огоханд ва шигирдонро барои ин кор худи онхо рохнамои мекунанд.Хатто онхо кушиш ба харч медиханд, ки баъзе зертобеъони нокобилро аз кор дур кунанд.

Ҷавоб диҳед Иқтибос Шикоят

МУХОЧИР

РАФИК КУХИСТОНИ БЕ ШАРТ ...ГАПАТОН САД .. ДАР САД ДУРУСТ КАЙТ КАРДЕД .....

Ҷавоб диҳед Иқтибос Шикоят

Эзоҳ илова кунед