12 авг 2016 16:41Тоҷикистон / Иҷтимоӣ
Шарҳи мақомот дар бораи марги Рамазон: 2 нафар боздошт шуданд
Тавре аз қушунҳои сарҳадӣ ба “Озодагон” иттилоъ доданд, Забиров Рамазон, сокини ноҳияи Ҳисор баҳори соли равон ба хидмат ҷалб шуда, дар ноҳияи Зафарободи вилояти Суғд адои хизмат мекардаст.
Қушунҳои сарҳадӣ иддаоро, ки гӯиё мақомот аз шарҳи қазия худдорӣ мекунанду ҷасадро бидуни шарҳи сабаби марг ба наздиконаш супоридаанд, беасос хонданд.
Ин ниҳод дар шарҳи қазия овардааст, ки субҳи 5 августи соли 2016 ҳангоми бархестани ҳайати шахсӣ аз хоб, маълум мегардад, ки сарбози қаторӣ Забиров Рамазон Зокирович нафас намекашад: “Маълум карда шуд, ки сарбоз вафот кардааст. Худи ҳамон рӯз барои таҳқиқи фавти Забиров комиссияи махсус бо сарварии Прокурори ҳарбии гарнизони Суғд дар ҳайати 8 нафар ташкил шуд”.
Қушунҳои сарҳадӣ таъкид карданд, ки феълан ду сарбози қисми ҳарбии 2857 ҳамчун гумонбар дар марги Забиров боздошт шудаанд: “Агар сабаби марги Забиров дар пайи лату куби ин ду сарбоз тасдиқ шавад, нисбати онҳо парвандаи ҷиноӣ оғоз мегардад. Ҳоло қазоват кардан дар бораи марги Рамазон Забиров барвақт аст ва бояд то муайян шудани хулосаи ташхисгарон мунтазир монд”.
Мақомоти марзбонии Тоҷикистон инчунин афзуданд, ки барои интиқоли ҷасади сарбоз ба Ҳисор гурӯҳи корӣ бо сарварии фармондеҳи қисми ҳарбии 2857 ташкил карда шуда ба деҳаи Туда, ҷамоати деҳоти Мирзо-Ризои шаҳри Ҳисор сафарбар гардидаанд: “Ҳангоми супоридани ҷасад ба Забировҳо, командири қисми ҳарбии 2857, муовини Раиси ҳукумати иҷроияи давлатии шаҳри Ҳисор, комиссари ҳарбии шаҳр, раиси ҷамоати деҳот, имомхатиби масҷиди ҷомеаи деҳа ва хешовандони сарбоз иштирок доштанд”.
Мақмоти марзбонӣ илова намуданд, ки тибқи қонунҳои амалкунандаи Тоҷикистон, барои фавти сарбоз рӯзҳои наздик ба падару модари ӯ маблағи пулии муайяншуда дода мешавад: “Таҳқиқи ин қазия зери назорати шахсии фармондеҳи қушунҳои сарҳадӣ қарор дорад”.
Акс аз "Озодӣ" Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Декабр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | 31 | |||||
