13 авг 2016 12:34Хабарҳои ҷаҳон / Сиёсат / Рӯ ба рӯ / Видео / Тема дня

Вокуниши Ашраф Ғанӣ ба Абдуллоҳ: Боҳавсала ҳастам

Муҳаммад Ашраф Ғанӣ, раисҷумҳури Афғонистон ба изҳороти 11 августи Абдуллоҳ Абдуллоҳ, раиси иҷроияи ин кишвар, ки ӯро дар беҳавсалагӣ мутаҳҳам кард, вокуниш кардааст.

Дар ин вокуниши Ғанӣ, ки дар шакли як иттилоия дар торнамои дафтари раёсатҷумҳурӣ нашр шудааст, гуфта мешавад: “Бо таассуф суҳбатҳои муҳтарам доктор Абдуллоҳ Абдуллоҳ дар мутобиқат бо мавозин ва руҳияи давлатдорӣ набуда, зеро асоси ҳукуматдорӣ бар усули ва завобити қонунӣ устувор ва бар мабнои он иҷроот сурат мегирад”.

Дар бахши дигари ин вокуниш омадааст, “ҳукумати ваҳдати миллӣ таҳти раҳбарии раиси Ҷумҳури исломии Афғонистон бо ҳавсаламандии тамом барои пешбурди умур дар наздик ба ду сол ба рағми чолишҳои фаровон ба дастовардҳои қобили таваҷҷуҳ ноил омадааст”.

Дафтари раёсатҷумҳури гуфтааст, дар мавриди изҳороти Абдуллоҳ Абдуллоҳ баҳсҳои ҷиддӣ ва муассир сурат хоҳанд гирифт. Абдуллоҳ Абдуллоҳ рӯзи панҷшанбеи 11 август дар нишасти хабарие бахшида ба Рӯзи ҷавонон Ашраф Ғаниро дар беҳавсалагӣ муттаҳам карда, гилоя намуд, ки ӯро барои суҳбатҳои ҳузурӣ намепазирад. Ӯ дар хитоб ба раисиҷумҳур гуфт: “Муҳтарам раисҷумҳури Афғонистон, худат вақт надорӣ, ки бо раиси иҷроияат дар зарфи 3 моҳ ҳадди ақал 1 ё 2 соат танҳо як ба як бубинӣ. Пас вақти шумо, бузургвор дар чӣ сипарӣ мешавад?”

Раиси иҷроияи Ҳукумати ваҳдати миллии Афғонистон бо ишора ба ин ки ӯ аввалин касе буда, ки низоми ҳукумати Ашраф Ғаниро машрӯият бахшидааст, таъкид намуда, “ман ҳеч инро рад намекунам, ки дар дохили ҳар ҳукумат ҳатман баҳс, музокира ва мубоҳиса мебошад. Ин гапи нурмол аст”.

Абдуллоҳ Абдуллоҳ дар пайи ин нуқтаназараш афзудааст: “Аммо як касе, ки ҳавсалаи баҳсро надошта бошад, ӯ лаёқати раёсат ҳам надорад, ҳавсалаи шуниданро надошта бошад, надорад. Он ҳам ба он забон ва адабиёте, ки ман матраҳ мекунам”.

Ӯ дар ин маросим бо ёдоварӣ аз сухани Ҳомид Карзай, раисҷумҳури пешини Афғонистонн, ки замони интиқоли қудрат дар гӯши Ашраф Ғанӣ гуфтааст, изҳор дошта: “Он вақтҳоят гузашт. Ҳоло ҳавсала кун”.

Раиси иҷроия дар идома гуфтааст, бо тамоми эҳтиром мақоми раёсатиҷумҳурӣ мақоми муҳтарам аст: “Шахси раисҷумҳурро эҳтиром кардаам ва мехоҳам мавриди эҳтироми мардуми Афғонистон бошад. Аммо эҳтиром чизе нест, ки касе ба касе дар коғаз туҳфа бидиҳад. Эҳтиромро одам ба даст меорад”.

Ҳукумати ваҳдати миллӣ наздик ба ду сол пеш пас аз ҷанҷолҳои зиёд бар сари шаффофияти интхоботи раёсатҷумҳурии Афғонистон дар натиҷаи тавофуқнома миёни ду номзади ҳозир дар ду давраи интихоботӣ ташкил шуд. Бар асоси ин тавофуқнома Муҳаммад Ашраф Ғанӣ ҳамчун раисҷумҳури Афғонистон ва Абдуллоҳ Абдуллоҳ ба ҳайси раиси иҷроия таъйин шуд.

Мӯҳр

Хабарҳои монанд:

Сорбони Ошик.Нева

Ашраф Гани бо ман мани,
Мушт ба руи сина зани,
Карзай бигуфти хом буд,
Бехавсала беком буд,
Гуфти эзораш хиштаки,
Дар сар кулохи пашмаки,
Дар тан чомаи бекассаб,
Доим буд дар тобу таб.
Карзай бирафт чавчавак задед,
Гани омад чаппак задед,
Гуфтед,ки хело лоик аст,
Хуб гуфтеду думбак задед.
Маськд кучост шери худо?
Ки ин кадар туппак задед,
То кай ба хам дар таьнахо,
Гох рохгум бумбак задед,
Ин Абдуллох норози боз,
Охир чи мехохед дигар?
Аз минбару аз чургахо,
Бо хамдигар чашмак задед.
Толиб биомад беадад,
Боз кисмате карсак задед,
Дар огуши чангу чидол,
Ба руи хам тарсак задед.
Бар мулки афгон дустон,
Кай мешавад сулхи гарон,
То ки ба хам якчо шавед,
Як давлати барпо шавед.
Мо точикон хурсанд шавем,
Бо хамдигар пайванд шавем,
Мо хам чое чавлак занем,
Хам сурнаю таблак занем!

Ҷавоб диҳед Иқтибос Шикоят

Дарвеш

Ба Ашраф Гани нигох мекунам рости хеле шахси окилу доност, лекин тарафдори он аст, ки махз паштухо дар сари хокимият бошанд.
Ба Абдулло Абдулло назар мекунам, харчанд, ки падараш пашту хаст, вале модараш ТОЧИК аст тарафдори он аст, ки тамоми АФГОНХО дар сари хокимият бошан. Лекин ТОЧИКИЯТ дар у равшантар эхсос мешавад.

Ҷавоб диҳед Иқтибос Шикоят

Точик

Ашраф Гани ба президент хам монанди надорад.Президент мисли Кумандон часуру нотарс бояд бошад махсус дар Афгонистон.Аз Эмомали Рахмони мо ибрат гиред бародарон.Абдуллох сурати зебои Подшохи хам дорад ва часуру гаюр менамояд.

Ҷавоб диҳед Иқтибос Шикоят

Эзоҳ илова кунед