05 авг 2016 12:02Тоҷикистон / Фарҳангу адаб

Нахустин тандиси Хайём дар Русия қомат афрохт

Дар Русия аввалин тандиси Ҳаким Умари Хайём, шоир, файласуф ва риёзидони маъруфи форсу тоҷик дар Донишгоҳи давлатии Астрахан қомат афрохт.

Хабаргузории ТАСС бо ишора ба манобеи худ дар Вазорати хориҷаи кишвараш навиштааст, ки кушодашавии тандиси Хайём дар Астрахан солиёни дароз мавриди баррасӣ қарор дошт ва як ҳодисаи деринтизор барои минтақа буд. “Ин тандиси чорметрии биринҷӣ ба унвони намоди дӯстии Ирону Русия муаррифӣ мешавад ва дар расми кушодани он ашъори Хайём на танҳо ба забони русӣ, ҳамчунин ба забони форсӣ низ садо додаанд”, - гуфта мешавад дар иттилоияи ТАСС.

Вазни ин тандис 4 тон гуфта мешавад. Вазорати равобити байналмилалӣ ва иқтисоди берунии вилояти Астрахан гуфтааст, ки тандиси Хайём дар шаҳрҳои Теҳрон, Душанбе, Бухарест ва Ишқобод ҳам барафрохта шудааст ва тандиси Астрахан нахустин тандиси ин рубоисарои барҷаста дар Русия мебошад.

Мӯҳр

Хабарҳои монанд:

розик

айб аст. хаму апаи Гавхар рост мегуяд шумо ним-журналистонро. Тандисаш чи? хайкалу пайкараи худамон чи шуд?

Ҷавоб диҳед Иқтибос Шикоят

Шоира

"тандис", "манобе" , "намод", "иттилоия" ин калимахо хеч якеашон "забони меъёр" нест. Шарофзода хатман Озодагонро чарима мекунад!

Ҷавоб диҳед Иқтибос Шикоят

Точик

Шеъру рубоихои Умари Хаёмро бечора нодонхои бесавод хато тарчума карда истодаанду нодуруст мефахманд.Холо он ки Умари Хаём хофизи Куръон буду хама гуфтахояш аз Худованд ва Куръону хадисхои Паёмбарамон с.с аст.Шаробе ки мегуянд ин шароби (водка-араку вино) нест.Маънояш дигар аст.

Ҷавоб диҳед Иқтибос Шикоят

Аъзам

ТАНДИС ин хайкал будааст.Хар як рузноманигор як ду калимаи бегонаро кор мефармояду бо ин "донишмандии" худро нишон доданй мешавад.Хамин хел рафтан гирад,забони точикй баъди 10-12 сол тамоман дигар мешавад.

Ҷавоб диҳед Иқтибос Шикоят

Бехруз

Тандисаш чизе Илтимос Шарофзода шарх дихед дахонатонба об нагиреду аз паи хифзи Затони ноби точики шавед

Ҷавоб диҳед Иқтибос Шикоят

Эзоҳ илова кунед