02 авг 2016 17:31Тоҷикистон / Сиёсат / Рӯ ба рӯ

Раиси “Барқи тоҷик”: Нияти муфлиссозию фурӯши ширкатро надорем

Мирзо Исмоилзода, раиси “Барқи тоҷик” иддао, ки ин ширкатро гуруҳҳои алоҳида мехоҳанд ба таври сунъӣ муфлис карда, бо нархи арзон хусусӣ кунанд, беасос хонд.

Исмоилзода имрӯз, 2-юми август дар посух ба суоли “Озодагон” ин андешаро нодуруст хонда, афзуд, ки вазъи молии “Барқи тоҷик” сол то сол беҳбудӣ ёфта истодааст ва хусусигардонии ширкат дар назар нест: “Имсол нисбати соли гузашта вазъи молӣ хубтар аст. Масалан аз ҳисоби музди меҳнат қарзҳо буданд, имсол аз ин ҳисоб қарздор нестем”.

Ӯ гуфт, чорабиниҳо барои беҳбуди вазъи молии ширкати “Барқи тоҷик” идома доранд.

Ин дар ҳолест, ки феълан “Барқи тоҷик” бо миллиардҳо сомонӣ қарз, калонтарин ширкати қарздор дар кишвар мебошад. Дар ҳоле, ки ба гуфтаи коршиносон ин ширкат, ки ба фӯрӯши нерӯи барқи обии арзон машғул аст, бояд яке аз сердаромадтарин ниҳодҳо дар кишвар бошад, зеро маҳсулоташ бо хароҷоти кам истеҳсол мешаваду талаботи зиёд дорад.

Аммо дар ҳоли ҳозир “Барқи тоҷик” танҳо дар назди нерӯгоҳи “Сангтӯда -1”-и Русия 627,2 миллион сомонӣ ва дар назди «Сангтӯда-2»-и Эрон 409,9 миллион сомонӣ қарздор мебошад. Исмоилзода мегӯяд, давоми шаш моҳи гузашта тибқи ҷадвали мувофиқашуда ба “Сангтӯда -1” 103 миллион сомонӣ ва ба “Сангтӯда -2» 32 милион сомонӣ пардохт кардаанд.

Мӯҳр

Хабарҳои монанд:

Аъзам

Як тасаввур кунед,ки ягон ширкати мобилй чанд хазор назоратчй(дар байни ахолй онхоро пулчинак меноманд) дар штат дорад ва онхо рузи дароз хона ба хона гашта музди гуфтугуи телефонро бо пули накд чамъ мекунанд. Барои чй муштарй бояд пули баркро ба назоратчй супорад?Аз ин пули чамъшуда чи кадараш ба Барки Точик ва чи кадараш ба кисаи шахсони алохида меравад??? Дар дехот кариб хар як хонадон "розеткаи махфй" дорад,яъне гайри хисобкунак ва назоратчихо ба ивази маблаги муайян онро "намебинанд".Ана барои чи ба истилох "потеря электроэнергии" дар мо то 45-50% мерасад.

Ҷавоб диҳед Иқтибос Шикоят

Барзу

Ха, дуруст, чаноби раис, шумо намехохеду "хдш хаму рахда тугри шидестай" Дар даруни дуруг хамин кадар гутидагиен, ки факат гушотон метобаду халос...

Ҷавоб диҳед Иқтибос Шикоят

Барзу

Ҷавоб диҳед Иқтибос Шикоят

Сорбон

Мо агар як руз пардохти пули баркро дер кунем, ба сарамон меоянд. Дигар ин ки кушиш мекунем сари вакт онро бипардозем. Дар хакикат карзи калон аз хамин ширкат будааст. Аз як миллиард зиёд. Ин пули мардум кучо мерафта бошад? Бесабаб нест, ки рохбарони он зуд-зуд ивваз мешаванд. Коррупсия бояд як бори дигар ин корро баррасй кунад.

Ҷавоб диҳед Иқтибос Шикоят

Эзоҳ илова кунед