02 авг 2016 09:40Тоҷикистон / Иқтисодӣ / Дидгоҳи хос / Тема дня

Оҷонсӣ: Кумитаи амвол моли давлатро ғайриқонунӣ фурӯхтааст

Оҷонсии зидди фасоди Тоҷикистон дар Кумитаи давлатии сармоягузорӣ ва идораи амволи давлатӣ, ниҳоди тобеи Қодири Қосим санҷиш гузаронда, муайян намудааст, ки масъулини он собиқ бинои нозироти андози ноҳияи Ванҷро ғайриқонунӣ фурӯхтаанд.

Тавре аз Оҷонсии зидди фасоди Тоҷикистон ба “Озодагон” иттилоъ доданд, собиқ бинои нозироти андози ноҳияи Ванҷ ба ивази 14,3 ҳазор сомонӣ, бо нақзи меъёрҳои қонунгузории кишвар фурӯхта шудааст: “Инчунин муайян гардид, ки тавассути музоядаҳо бинои маъмурии Раёсати Агентии меҳнат ва шуғли аҳолии ноҳияи Б.Ғафуров ба ҶСП “Сомон Суғд” ба ивази 165,4 ҳазор сомонӣ ва биною иншооти матбааи КВД “Фулузоти нодири Тоҷикистон” воқеъ дар шаҳри Бӯстони вилояти Суғд ба шаҳрванд Раҳимов А.Ш. бо нархи 112,4 ҳазор сомонӣ бар хилофи талаботи муқарраршудаи қонунҳои амалкунандаи ҷумҳурӣ хусусӣ гардонида шудааст”.

Манбаъ мегӯяд, зарари молиявӣ дар Дастгоҳи марказии кумитаи мазкур ба маблағи 46,8 ҳазор сомонӣ ва дар Корхонаи воҳиди давлатии «Тоҷинвест» ба маблағи 127,1 ҳазор сомонӣ муайян карда шуд.

Дар маҷмуъ Оҷонсии зидди фасоди Тоҷикистон иттилоъ дод, ки зарар аз фурӯш ва ба иҷора додани амволи давлатӣ 3 миллион сомониро ташкил додаст. Дар ҳоле, ки ин нишондод соли гузашта баробари 1,9 миллион сомонӣ буд.

Мӯҳр

Хабарҳои монанд:

ромиш

Чаноби Генерал чукуртар кобед холо чинояту корупсия аз хад зиед аст...

это еще цветочки, там такие коррупционные преступления волосы дыбом встают.
агентстао по Коррупции молодцы

Ҷавоб диҳед Иқтибос Шикоят

Сохтмончи

Мухтарам Раиси Кумита! Мардумро нодон ва беакл хисоб накунед. Хамаи амволи давлатро гайри конуни ба пулдорон фурухтаед. Мисол тамоми иншооту базахои ЧСК "Промстрой"-ро бо 100 000 долар фурухтед, ки ин гуё бе пул мебошад.
Беинсофи ба ин дарача хам набудагист???

Ҷавоб диҳед Иқтибос Шикоят

Эзоҳ илова кунед