29 июл 2016 10:40Тоҷикистон / Сиёсат / Рӯ ба рӯ

Маҳмадзода: Санҷиши амволи Кабирию Назарзода идома дорад

Оҷонсии зидди фасоди Тоҷикистон иттилоъ дод, ки амволи Муҳиддин Кабирӣ, раиси Ҳизби мамнӯи наҳзати исломӣ ва Абдуҳалим Назарзода, собиқ ноиби вазири мудофиа пурра ба ҳабс гирифта шудаанд.

Фариддун Маҳмадзода, сардори раёсати назорати буҷет ва фондҳои давлатии Оҷонсии зидди фасод имрӯз, 29-уми июл зимни нишасти хабарӣ дар посух ба суоли “Озодагон” гуфт, Назарзода ғайриқонунӣ 10 иншооти давлатиро аз худ кардаст ва ҳангоми хусусигардонӣ ба маблағи 5,3 миллион сомонӣ ба давлат зарар расондааст. Ӯ афзуд, ки парвандаи марбут ба амволи Муҳиддин Кабирӣ дар ихтиёри Палатаи савдо қарор дорад: “Феълан санҷишҳо дар мавриди ҳам амволи Кабирӣ ва ҳам Назарзода идома доранд”.

Қаблан Оҷонсии зидди фасод иттилоъ дода буд, ки гуруҳи фаврӣ - тафтишотӣ 42 биноҳои маъмурию манзилҳои истиқоматӣ ва 70 номгӯи молу амволи дигари Кабирӣ ва наздиконашро ошкор кардааст.

Аввали соли равон Додситонии кулли Тоҷикистон иттилоъ дод, ки Муҳиддин Кабирӣ ва Абдуҳалим Назарзода дар маҷмӯъ ба маблағи 151 миллион сомонӣ мулу мулкро ғайриқонунӣ аз худ кардаанд.

Сафаралӣ Мирзозода, сарпрокурори ҳарбии Тоҷикистон изҳор дошта буд, алайҳи амволи Кабирию Назарзода аризаҳои даъвогиро дарёфт кардаанд: “Аризаҳои даъвогӣ барои рӯёндани молу мулк ба маблағи 7 миллион сомонӣ ворид гардидаанд”.

Сарпрокурори ҳарбӣ дар фурӯши ғайриқонунии амволи давлатӣ ба Назарзодаю Кабирӣ мансабдоронро низ гунаҳкор хонда, афзуд, дар бархе ҳолатҳо вақти хусусигардонӣ дар мақомот ҳам қонуншиканӣ сурат гирифтааст: "Вобаста ба он ки аз пеш чаро зери назорат нагирифтанд ва чаро баъд ошкор карда шуд? Дар ҳақиқат ҳаст ҳолатҳое, ки ғайриқонунӣ амавол аз тарафи мақомот ба моликияти шахсӣ гузаронида шудаанд ва аъзои дастаи террористӣ аз ин сӯиистифода карданд. Тафтишоти пешакӣ қарорҳои ғайриқонуниро ошкор кард ва онҳо бекор карда шуданд”.

Мӯҳр

Хабарҳои монанд:

Ахмад

Агар инхо мутахам ба ин кор бошанд пас худи вазирхо ва дигар масьулони давлати ки аз чойгохи болотаре махсуб мешаванд чи кадар молу амволро но хак гирифтаанд. Ва коргарони давлатие ки бояд нозир бар ин кор буданд чаро пеш аз 9 сентиябр чизи намегуфтанду бад аз кудато ин хама гапу хабар бромадестай?

Ҷавоб диҳед Иқтибос Шикоят

Левен

а бача то аму чоруми сентябра гичода бди, ки тафтишш накардай???!!!

Ҷавоб диҳед Иқтибос Шикоят

мехмон

Аз ин хангомахо маълум мешавад , ки касе сохиби мансаб бошад амволаш хисоб намешавад. Каме гунох кард тамом , хама чизу амволаш гайри конун аз худ кардаги!! Хайфи он меросе ки аз СССР ба мо монда буд !
Хамаро шикастеду фурухтед. Имсол 2016 - ро бо соли 1985 мукоиса кунед !!
Чи тагирот шудааст? Факат бо мошинхои хоричи ва телефону планшетхо пеш рафтаем.
На маданият , на фарханг ,дар кучахои шахр алфози кабех, мусофиркашонии бе реча. Мо нисбати соли 1985 200 сол кафо мондаем. Бо хамаи ин сабаб хамин бесаводхои ошубгар ва рохбарони бетачриба.

Ҷавоб диҳед Иқтибос Шикоят

Саид

Хамон мансабдорони давлатро хам тафтиш кунед нисфи Точикистона харидаги муборизони зиди фасод

Ҷавоб диҳед Иқтибос Шикоят

Эзоҳ илова кунед