Таъкиди Русия бар ҳалли мусолиматомези мавзӯи ҳастаии Эрон

Григорий Берденников, намояндаи Русия дар Агентии байналмиллалии энергияи атомӣ, гуфт: "Бо таваҷҷӯҳ ба номаи Эрон, бинобар пешниҳоди фиристодани ҳайати Агентии байналмиллалии энергияи атомӣ ба Теҳрон, ба манзури рафъи ҳар гуна ибҳом ва посухи мудири кул барои омодагӣ барои фиристодани ин ҳайат, ба назар мерасад, пешрафте дар ҳамкорӣ эҷод шуда аст." Намояндаи Русия афзуд: "Бархе изҳори назарҳои матбуотӣ дар хусуси истифода аз нерӯи низомӣ ба ташдиди авзоъ меанҷомад ва Маскав мухолифи чунин иқдомоте аст." Берденников таъкид кард: "Интишори гузориши замима дар робита ба мутолиоти иддаоӣ бисёр бемавқеъ ва номуносибу ғайриоқилона буд." Сафири Русия дар ниҳоди назорати ҳастаии Созмони Милал таъкид кард: "Ҷойи таассуф аст, ки бо надоштани асноди қонеъкунанда, арзёбии гузориш тавре бошад, ки гӯё чанбаҳои низомӣ дорад ва бе шак чунин гузоришеро наметавон ҳирфаӣ ва ғайри ҷонибдорона номид." Вай афзуд: "Дар гузориши мудири кул иттилооти ҷадиде дар хусуси он чӣ, ки дар гузашта дар робита бо мутолиоти иддаоӣ вуҷуд дошт, вуҷуд надорад." Сафири Русия хотирнишон кард: "Гузориши мудири кул ҳатто қабл аз пахши расмӣ дар матбуот мунташир шуд.

Дар ҳоле, ки ин гузориш ҳовии матолиби бисёр ҳассоси ҳастаӣ буд ва акнун дар дастраси умум қарор гирифта аст." Намояндаи Русия таъкид кард: "Маскав аз дабирхонаи Агентӣ мехоҳад моҳияти маҳрамонаи иттилоотро риоят кунад, вагарна сарнавишт ва этибори Агентӣ зери суол хоҳад рафт."