26 июл 2016 15:03Тоҷикистон / Иҷтимоӣ

Агентии ҷангал: Камбуди гургҳо бузҳоро ба дарди шуш мубтало мекунад

Агентии хоҷагии ҷангали Тоҷикистон дар шарҳи афзоиши ҳамлаи гургон ба чорво, махсусан дар ВМКБ гуфт, ба кишвар 23 гурги муғулистонӣ ворид шудаанд.

Убайдулло Акрамов, муовини директори Муассисаи давлатии ҳудудҳои махсус муҳофизатшавандаи Агентӣ имрӯз, 26 июл дар суҳбат ба “Озодагон” гуфт, аз соли 2013 инҷониб 23 гурги муғулистонӣ аз Қирғизистон ба Тоҷикистон омадаанд: “Мушоҳидаҳо нишон дод, ки дар ҳоли ҳозир дар Қирғизистон гӯсфанди помирии Архар ва бузи сибирӣ аз байн рафтааст ва дар натиҷа қисми зиёди гургони муғулистонӣ ба Тоҷикистон кӯч баста истодаанд”.

Ба гуфтаи ӯ бо вуҷуди кӯч бастани гургони бегона дар Тоҷикистон камбуди гургҳо ҷой дорад.

Ба иттилои Акрамов айни ҳол дар Парки миллии Тоҷикистон 500 гург мавҷуданд, ки аз меъёри экологӣ 161 адад кам мебошад: "Бештари гургон аз наёфтани ғизо аз як минтақа ба минтақаи дигар кӯч мебанданд”.

Акрамов камбуди гургҳоро зараровар хонда, мисол овард, ки соли 2011 дар пайи куштори зиёди гургҳо дар ноҳияи Шӯрообод зиёда аз 6 ҳазор чорво ва 74 ҳайвони нодир фавтиданд: “Соли 2011 вақте гургон тариқи сарҳади Афғонистон ба Тоҷикистон меомаданд, мардум онҳоро мекуштанд ва ин боиси ба бемории шуш гирифтор шудани чорво гардид. Ҳарорати бадани бузҳои хонагӣ баланд мешуд ва дар вақти нӯшидани об шуши онҳо аз кор монда, мефавтиданд”.

Акрамов хусусияти хуби гургҳоро дар он гуфт, ки ба воситаи муйлабчаҳояшон ҳайвонҳои беморро ҳис карда, онҳоро мехӯранд: “Гург тамоми ҳайвонҳоеро, ки ба касалиҳои сирояткунанда гирифтор мешаванд, нобуд мекунад. Гургҳои маҳаллӣ ба мо зарар намерасонанд, аммо гургҳои кӯчбаста ҳамла мекунанд, ҳатто агар шахс дар даст яроқ дошта бошад”.

Ба иттилои Акрамов феълан дар Вилояти Мухтори Куҳистони Бадахшон бо иҷозати Кумитаи ҳифзи муҳити зист барномае амалӣ шуда истодааст, ки дар доираи он зимистони соли 2015-2016 зиёда аз 12 гурги муғулистонӣ безарар гардонда шуданд: “Бидуни иҷозати Кумитаи ҳифзи муҳити зист мо гургҳоро парондан наметавонем. Зеро ҳар чизе, ки аз табиат гирифта мешавад бояд асоси илмӣ дошта бошад”.

Мӯҳр

Хабарҳои монанд:

Доктор айболот

Яьне дарди дилу кисаи мансабадорон ин набудани сохибкорхо ?

Ҷавоб диҳед Иқтибос Шикоят

А. Рустам

1)Аз кишварх,ои бародари Афгонистон, Узбакистон, Киргизистон ва ба хусус Чин хохиш карда шавад, ки харчи бештар гургхояшонро, ки шароити махалли муносибанд ба Точикистон бифиристанд. 2) Гургхои угулистони ба ухди мугулистон ва ё Киргизистон баргардонида шаванд. 3) Барои он ки гургхои муносиб бо шароити иклими Точикистон дубора гурехта ба кишвархои зодгохашон нараванд, аз хисоби рамахои хусуси, ба хусус рамаи Муродали Алимардон барои онхо гизо тахия карда шавад. 3) Убайдулло Акрамов дусти бех,тарини гургх,о эълом карда шавад. 4) Сокинони Шурообод барои махви гургхо ч,арима карда шаванд.

Ҷавоб диҳед Иқтибос Шикоят

Солехбой

Ман намедонам, агар ин гургхо бемалол сархадро гузаранд, марзбонон кучоро нигох мекунанд? Агар гургро капида натонанд, кочокбаронро чй хел мекапида бошанд?!

Ҷавоб диҳед Иқтибос Шикоят

саид

А. Рустам,
хахахаа бехтарин вокуниш )))

Ҷавоб диҳед Иқтибос Шикоят

Гургшинос

Дар тамомии хаёт чунин сафсатаро нафахмида будам!!!!
Ин профессорои мо аз хад зиёт фахмиш доштиянду мо бехабар.
Сер будани малаха инхо медонанд фоиданокии гургора инхо медонанд. Шумораву муйлабхои гургро инхо омухтаанд. Э офарин.
Нав фахмидем,ки агар гурга куши молхо касал мешаванд.
Камтари дигар тадкикот нагузаронидед шояд сабаби бемории молхои мардум аз хад зиёд ошики гургхо гаштаанд ва марги гургхо дигар хайвонотро ба бемори оварда мерасонад.
Хар оина инчо ишки поки хиндуёна дида мешавад байни гургхо ва чорвохои марум.

Ҷавоб диҳед Иқтибос Шикоят

Farukh az Olmon

Убайдулло ки аз дехаи Гургон аст, гургора дастгири мекунад. Як дусти дигар дорем аз Кавги Рез хар сол дар Файза бод кавг намемона...:-)

Ҷавоб диҳед Иқтибос Шикоят

Салмон

Гург безарар гардонида шуд! Охир ҳамин калимаи безарарро телевизионҳои ҷумҳурӣ доим беҷо истифода мекунанд, кофӣ набуд, ки Озодагон ҳам ба безараркунӣ гузашт? Каме фикри забону истифодаи баҷои калимаҳро кунед!

Ҷавоб диҳед Иқтибос Шикоят

Эзоҳ илова кунед