Озарбойҷон ҳам ба Қонуни озодиҳои динӣ ислоҳот ворид сохт

Бино бар ислоҳоти суратгирифта, омӯзиши динӣ дар кишварҳои дигар барои шаҳрвандони Озарбойҷон бидуни ҳамоҳангӣ бо созмонҳои марбута; мубодилаи чеҳраҳои динӣ; иҷрои маросим ва анъанаи исломӣ тавассути шаҳрвандони дар хориҷ аз кишвар таҳсилдида; фурӯши адабиёт, мақолот ва соири маводди иттилоотии динӣ дар марокизи фурӯши бидуни муҷаввиз ва анҷоми таблиғоти динӣ аз тарафи афроде, ки шаҳрванди дигар кишвар ҳастанд, мамнӯъ эълон шуд.

Хабаргузории «Тренд»-и ин кишвар иттилоъ медиҳад, ки афроди вайронкунандаи бандҳои ҷадиди қонун то 7000 манат ҷарима мешаванд ва дар сурати напардохтани маблағ аз ду то панҷ сол ҳабс хоҳанд шуд. Агар қонуншиканӣ аз ҷониби гурӯҳе ё масъули давлатӣ сурат бигирад, ҷаримаи он аз 7000 то 9000 манат хоҳад буд.