22 июл 2016 11:08Тоҷикистон / Тема дня

АКС: Президент бунёди нахустин роҳи бисёрқабата дар Тоҷикистонро оғоз кард

Эмомалӣ Раҳмон, раисиҷумҳури Тоҷикистон имрӯз, 22-юми июл дар маҳаллаи 82-юми шаҳри Душанбе сохтмони нахустин эстакада-роҳи сеқабата дар кишварро оғоз бахшид.

Тибқи иттилои дафтари матбуоти раисиҷумҳур эстакадаи мазкур дар доираи лоиҳаи “Беҳтар намудани ҳолати роҳи минтақавии Душанбе-Турсунзода-сарҳади Узбакистон, қитъаи роҳ аз ҳайкали Абуалӣ ибни Сино то дарвозаи ғарбии шаҳри Душанбе” бунёд мегардад. Ба иттилои манбаъ, чорсӯи нави сохташаванда аз 3 сатҳ иборат буда, дар буриши хиёбони Нусратуло Махсум бо хиёбони Бобоҷон Ғафуров қарор дорад: “Дар сатҳи дуввуми чорроҳа, роҳи ддаврие бунёд мегардад, ки ҳаракати нақлиёт дар он тавассути чароғакҳо идора мешавад. Дар сатҳи сеюм аз самти шарқ ба ғарб купрук, ки дарозиаш 125 метрро ташкил медиҳад, мегузарад”.

Манбаъ мегӯяд, дар доира лоиҳаи мазкур сохтмони 4 роҳи зеризаминӣ барои роҳгузарон низ пешбинӣ шудааст. Дафтари матбуоти раисиҷумҳур афзуд, ки сохтмони эстакада дар ҳамкорӣ бо Бонки Аврупоии таҷдид ва рушд ва Бонки Осиёии сармоягузории инфрасохторӣ амалӣ гардида, бунёди он ба зимаи Корпоратсияи роҳҳо ва купрукҳо “Синдзян-Бейсин”–и Чин ва назорати сифати сохтмон бар души Ширкати машваратии «SAI»-и Ҳиндустон гузошта шудааст.

Дафтари матбуоти раисиҷумҳур муҳлати анҷоми ин лоиҳаро ду сол арзёбӣ кард.

Мӯҳр

Хабарҳои монанд:

Амир

Салом масалаи аввал хитой Набояд рох дода мешуд дар ин кор магар худамон наметавонем! Дуюм масала роххои зери хаминияшро хубтар шарх медодед чунки мухимаст ва бо кадом стандарт сохта мешаванд?

Ҷавоб диҳед Иқтибос Шикоят

Беном

2 Руз пеш аз омадани президент роххои ин минтакаро асфальтпуш кардану гулхои шукуфону зебо шинонданд. Имруз баъди омада лентаро буридану баъдан рафтани президент баъди ним соат тамоми гулхои шинондаро канда бурданд. Маълум шуд, ки лаганбардорон барои омадани президент гул шинондаанду, парвои халкро надоранд. Афсус......дируз кудакон аз дидани гулхо хурсанди мекарданду имруз бошад хайрон мешуданд, ки чаро ин зебоиро вайрон карда истодаанд?

Ҷавоб диҳед Иқтибос Шикоят

Точик

Худованд мушкилатонро осон кунанд. Душманони милларо кур кунанд Худованд.Тенчи бошад ободи мешавад иншоаллох.

Ҷавоб диҳед Иқтибос Шикоят

Саид, Кухистон

Рахмати калон ба Чаноби Оли Эмомали Рахмон барои гамхори ба миллат ва халки точик. Илохо дар амони Худованд бошад. Шахсан барои ман тенчи, амонию сулху субот ва пас аз он бокимонда хамаш мешавад.

Ҷавоб диҳед Иқтибос Шикоят

Барзу

Саид, Кухистон,
Таъмини "тенчи, амонию сулху субот" вазифаи чонии дилхох давлат ва рохбари он мебошад. Давлат барои ичрои хамин вазифа дар чомеа таъсис дода мешавад ва аз хисоби мову шумо, мухтарам чаноби кухистони, нигох дошта мешавад, яъне маблаггузори мегардад...

Ҷавоб диҳед Иқтибос Шикоят

Эзоҳ илова кунед