20 июл 2016 11:02Тоҷикистон / Иқтисодӣ / Рӯ ба рӯ

Суол ба вазири кишоварзӣ: Кай бозор рафтаед ва сабзӣ чаро қимат шуд?

Иззатулло Сатторӣ, вазири кишоварзии Тоҷикистон, мегӯяд, як рӯз пас дар бозор аст ва маҳсулоти мавриди ниёзашро худаш мехарад.

Сатторӣ имрӯз, 20-уми июл дар посух ба суоли “Озодагон”, ки бори охир кай аз бозорҳои пойтахт дидан кардаед, гуфт ҳар рӯз омори нархҳоро пайгирӣ мекунад ва шахсан худаш як рӯз пас дар бозорҳост: “Як рӯз пас дар бозори Шоҳмансур, Деҳқон ва Зарафшон ҳастам, бевосита ҳамаи молу маҳсулотро худам мехарам”.

Ба суол дар мавриди ҷаҳиши якбораи нархи сабзӣ Сатторӣ изҳор дошт, ки “нархи сабзӣ имрӯз назар ба соли гузашта бештар нашудааст. Ҳар кило то 2 - 2,2 сомонӣ нарх дорад. Майдони кишти сабзӣ ҳам нисбати солҳои гузашта кам нагардидааст. Дар истеҳсоли сабзӣ мушкиле нест”.

Аммо хабарнигорон дар хитоб ба вазир иттилоъ доданд, ки савдогарон дар бозорҳои пойтахт сабзиро истеҳсоли Қирғизистон муаррифӣ карда, ҳудуди 4 сомонӣ мефурӯшанд. Вазири кишоварзӣ гуфт, сабзии Қирғизистонро намедонад, аммо сабзии Тоҷикистон 1,8-2,2 сомонӣ нарх дорад.

Ӯ таъкид намуд, ки зимни пофишориҳо барои арзонӣ дар бозорҳо инчунин бояд фикри истеҳсолкунандаҳоро кард. Ӯ картошкаро мисол овард, ки арзиши аслии он 80 дирам, аммо бархе мехоҳанд, ки боз мо онро то 60 дирам арзон кунем: “Деҳқон бояд ҳадди ақал 20 фоиз фоида гирад. Фақат арзонӣ талаб карда мешавад, аммо як бор хароҷоти деҳқонро ҳам фикр кардан даркор. Бигзор 20-30 фоиз фоида бинад, то барои истеҳсол ҳавасманд бошад”.

Мӯҳр

Хабарҳои монанд:

салимов

дар иктисодиети пешрафта пеши рохи махсулоти кишоварзиро намегирад барьакс давлат як микдорашро барои болоравии нарх мебарад то кишоварз ба зарар кор накунад. Ма дар чопон як тарбуза бист доллар чор картошкаро 2,5$ харидам

Ҷавоб диҳед Иқтибос Шикоят

Самандар

Рафик вазир намедонад, ки дар бозорхо дехкон, балки савдогарону чаллобон мешинанд. Онхо бори дехконро ба зурй кашида мегиранд.

Ҷавоб диҳед Иқтибос Шикоят

Samud

салимов,
Muhtaraм salimov МО кучою чопон кучо як аср кафо мондаем

Ҷавоб диҳед Иқтибос Шикоят

Эзоҳ илова кунед