Тоҷикистону ИМА паймони санади ҳамкории вижаро имзо карданд

Сафири ИМА дар Тоҷикистон Кен Гросс ва вазири корҳои хориҷӣ Ҳамрохон Зарифӣ «Нақшаи кории муштараки байни ҳукумати Иёлоти Муттаҳидаи Амрико ва ҳукумати ҷумҳурии Тоҷикистон оид ба мубориза бо қочоқи маводи ядроӣ ва радиоактивӣ»-ро имзо карданд.

---

Ин созишнома, паймони ду ҳукуматро барои ҳамкорӣ ҷихати афзоиши имконияти Тоҷикистон дар пешгирӣ, вокуниш ва посухи самаранок ба қочоқи маводи ядроӣ ва радиоактивӣ изҳор менамояд.

Тавре ба хабаргузории «Озодагон» аз сафорати ИМА иттилоъ доданд, президенти он кишвар ва иддае аз роҳбарони чаҳонӣ ба ин боваранд, ки таҳдиди аз ҷониби террористон харидорӣ шудани маводҳои ядроӣ ва радиоктивӣ фавритарин ва шадидтарин таҳдид ба амният аст, ки имрӯз ҷахон бо он рӯ ба рӯ омадааст. Бо имзои созишномаи мазкур, ҳукуматҳои Иёлоти Муттаҳидаи Амрико ва ҷумҳурии Тоҷикистон ӯҳдадории худро дар мубориза бо ин таҳдид  тақвият мебахшанд. Гуфта мешавад, Тоҷикистон ҳаштумин мамлакате мебошад, ки барномаи ҳукумати ИМА оид ба пешгирии қочоқи маводи ядроӣ бо он чунин созишнома имзо намудааст.

Мӯҳр