16 июл 2016 11:57Тоҷикистон / Тема дня

Узрхоҳии “СомонЭйр”: Ба сабри Шумо ва дарки мушкилии бо ширкат рӯйдода умед дорем

Ширкати ҳавонавардии “СомонЭйр” барои тағйир додани ҷадвали парвозҳо ва эҷоди нороҳатӣ ба мусофиронаш дар ҳафтаи ахир маъзарат хостааст.

Рӯзи гузашта, чанд тан аз мусофирони ширкати “СомонЭйр” шикоят карданд, ки парвози онҳо ба Туркия баъди 9 соати таъхир имконпазир шуд. Тимур Бандишоев, сухангӯи ин ширкати ҳавонавардӣ дар суҳбат ба “Озодагон” далели таъхирро ба мушкили фаннӣ дар ҳавопаймоҳои “СомонЭйр” рабт дод. Ӯ гуфт, ҷадвали ҳафтаинаи парвозҳои ширкат истифодаи 5 ҳавопайморо дар назар дорад: “Мутаасифона ду ҳавопаймои мо бо сабабҳои техникии новобаста аз ширкат муваққатан аз истифода бароварда шуданд. Як ҳавопаймо бар асари ба муҳаррик бархӯрдани парранда ва дигарӣ аз қисми “интерсептор” осеб дидаанд. Аз ин рӯ ҳоло танҳо се ҳавопаймо мавриди истифода қарор доранд”.

Ҷаноби Бандишоев афзуд, бо сабаби кам будани теъдоди ҳавопаймоҳо наметавонанд парвозҳоро бе таъхир анҷом бидиҳанд. “Барои ҳалли мушкил ва мусофиронро аз тағйири ҷадвал огоҳ намудан, кормандони ширкат 24 соат кор мекунанд. Маблағи харҷкардаи шахсоне, ки хоҳиши супоридани чиптаро доранд, баргардонида мешавад. Дар сурати таъхири парвоз мусофиронро бо меҳмонхона ва ғизо таъмин менамоем”,-илова кард ӯ.

Сухангӯи “СомонЭйр” мегӯяд, феълан ҳавопаймоҳои осебдида дар таъмир қарор дошта, интизор меравад, ҳафтаи оянда ба парвоз омода шаванд: “Дар ин сурат ҷадвали парвозҳо муътадил хоҳад шуд. Мо ба сабри Шумо ва дарки мушкилии бо ширкат рӯйдода умед дорем”.

Мӯҳр

Хабарҳои монанд:

лёчики дарачаи 1

Ачибаш ин аст,ки факат хамин ширкати точики зарар мебинад. Чаро кампанияхои хоричи ягонбор ба таъхир намеафтодабошад факат аз мо меафтад??? То бакай узр пурсида мегардед о кора чоноб кардан даркор. Самолётора алиш кардан даркор аст. Инкадар даромаде,ки аз чиптафуруши бадаст меоред кучо мешавад ??то бакай дар болои матори трактор мусофир мекашед ??шарм нкмедоред.
Хама хами кампанияхои точикира шикоят мекунанд.

Ҷавоб диҳед Иқтибос Шикоят

Беном

То чаноби Музафар рохбар нашавад Сомонайр е Точикайр ягон кораш пеш намеравад!

Ҷавоб диҳед Иқтибос Шикоят

7777

маҷидов не мӣ?

Ҷавоб диҳед Иқтибос Шикоят

Чоник

лёчики дарачаи 1,
Гапой хавои мезани даа... ширкатои хоричи бойянд и сомон эйр ранги вае не ку, задержка любой время барои мусофир зарар нест. масалан агар сомон эйр парвозхоро бо хавопаймои вайрона давом дихад чи мешавад? дуруст гуфтаси ширкат ман худам 11 руз боз мебинам хавопайморо дар истанбул хоб...

Беном,
сомон эйр як мох пеш 100% буд

Ҷавоб диҳед Иқтибос Шикоят

Эзоҳ илова кунед