15 июл 2016 08:21Тоҷикистон / Иҷтимоӣ / Рӯ ба рӯ / Дидгоҳи хос / Видео / Тема дня

Шарҳи садамаи маргбори 4 май: Ронанда бо телефон суҳбат доштааст (САДО+ВИДЕО)

Раёсати умури дохилии Суғд сабаби рух додани садамаи рӯзи 4 майро, ки боиси марги 3 нафар ва ҷароҳат бардоштани 2 кас шуд, "гуфтугӯ бо телефони мобилӣ" арзёбӣ кард.

4 майи соли равон, тахминан соати 16:30 дар сероҳаи кӯчаи Аминҷон Шукуҳӣ ва Исмоили Сомонӣ, воқеъ дар рӯба рӯи Донишгоҳи давлатии тиҷорати Тоҷикистон дар шаҳри Хуҷанд Фирӯз Ҷалолов, ронандаи 35-солаи мошини «БМВ-530» 5 пиёдагардро пахш кард. Ҷалолов баъдан изҳор дошт, ки гӯиё мубталои «эпилепсия» аст ва замони вуқӯи садама он хуруҷ кардааст. Ашӯрбой Содиқов, сардори шӯъбаи тафтишоти Раёсати умури дохилии Суғд рӯзи 14 июл дар нишасти хабарии ин ниҳод дар посух ба суоли хабарнигори «Озодагон» дар ин бора гуфт, «мо дар вақти тафтишоти пешакӣ муайян кардем, ки сабаби асосии ба садамаи нақлиётӣ дучор шудани Ҷалолов ин гуфтугӯ бо телефонӣ мобилӣ мебошад».

Ба гуфтаи ӯ, Фирӯз Ҷалолов ба бемории саръ ё «эпилепсия» гирифтор аст, аммо ин намуди беморӣ ба касалиҳои руҳӣ мансуб намебошад. Манбаъ афзуд, феълан тибқи моддаи 212, қисми 3-и Кодекси ҷиноятӣ павранда боз шуда, тафтишот идома дорад.

Тибқи як навори нашркардаи СМ-1 Фирӯз Ҷалолов дар ҳузури намояндагони мақомот изҳор доштааст, ки аз соли 2007 мубталои бемории эпилепсия мебошад ва ҳангоми рух додани садама беҳуш будаасту чизеро дар ёд надорад: «Вақте ба ҳуш омадам, атрофам одамони зиёд ҷамъ омада буданд».

Мӯҳр

Хабарҳои монанд:

Аброр

Ба тамоми хонаводаҳои зарардида ва ҳалокшуда изҳори ҳамдардӣ мекунам.
Барои ин фоҷеа аввал ҳамон духтуре, ки барои ин шахс маълумотномаи тиббӣ додаааст, ба ҷавобгарӣ кашида шавад. Агар ин шахс эппилепсия дошта бошад, рондани воситаи нақлиёт тамоман мумкин нест. Пас худ қазоват кунед. Кӣ ба вай шаҳодатномаи ронандагӣ додааст. Эппилепсикҳо бояд дар қайди бунгоҳҳои тиббии макони зист бошанд. Барои марги одамон ин баҳона шуда наметавонад. ҶАЗОИ САХТТАРИН БАРОИ ИН ҚОТИЛ ДОДА ШАВАД.

Ҷавоб диҳед Иқтибос Шикоят

Саид, Кухистон

Албатта кор бе гирифтани ришва намешавад. Кадом макомоти тафтишотие, ки парвандаи чинояти нисбати ин чинояткорро мавриди тафтиш карор дода истода бошад, эхтиромона хохиш мекунам, ки ба чои хамин чабрдидахо шахсон ва пайвандони наздики худашро пеши чашм орад, ки ин ходиса гуё ба у шудааст ва хатман чинояткори содиркунандаи ин кирдорро чазои сангин дихад, ки макомоти суди ба у чазои пастро пешбини карда натавонад. Чун дар чанози баъзе ин шахсон банда иштирок дошт ва дар хамон шабу руз замину осмон хам мегирист. Илтимос хаму шахсои права додагиву дигарон хам пайдо шуда, ба чавобгари кашида шаванд. Озоди озодона чоп кун.

Ҷавоб диҳед Иқтибос Шикоят

Эзоҳ илова кунед