09 июл 2016 10:43Тоҷикистон / Дасти хайр / Иҷтимоӣ / Тема дня

Талоши Дамирбек барои наҷоти ҳамсинфаш: Пули консертам нарасид, боз маблағ лозим (ВИДЕО)

Дамирбек Олимов, овозхони маъруфи тоҷик, ки 7-уми июл барои наҷоти ҳамсинфаш Умедҷон Салимов, консерти хайриявӣ баргузор кард, изҳор медорад, ки маблағи кофӣ барои наҷоти Умедҷон то ҳол ҷамъ нашудааст.

Олимов имрӯз, 9-уми июл дар суҳбат бо “Озодагон” гуфт, маблағ аз консерташ, ки таҳти “Умеди Орзу” баргузор гардид, пурра ба суратҳисоб барои табобати Умедҷон гузаронда шуд: “Аммо маблағи кофӣ ҷамъ нашуд. Бо ҷамъоварии маблағи зарурӣ мо Умедҷонро ба хориҷа хоҳем бурд”.

Салимов, сокини 28-солаи ноҳияи Деваштич, падари ду кӯдак ва ягона писари волидонаш ду сол қабл дар пайи як садама дар Русия ҷароҳат бардошта, то ҳол мадори ҳаракат ва гапзаниро надорад.

Насимҷон Салимов, падари Умедҷон имрӯз, 9-уми июл дар суҳбат ба “Озодагон” гуфт, хароҷоти табобати писараш дар як беморхонаи вилояти Ленинград 500 ҳазор рубли русӣ муайян шудааст: “Тамоми ҳуҷҷату ташхисҳоро равон кардем. Арзиши табобатро 500 ҳазор рубл муайян карданд ва мо баъди дарёфти ин маблағ ба Ленинград хоҳем рафт”.

Афроде, ки имкони кӯмак ба ин хонаводаро доранд, метавонанд тариқи рақамҳои 902 44 00 23 бо падари Умедҷон ва тариқи рақамҳои 985 50 16 22 бо модари Умедҷон дар тамос шаванд.

Мӯҳр

Хабарҳои монанд:

Hasan

Boyad in barodari azizro davlat hatman yori rasonad Lanat ba on ruzeki mardumi tojik ba davlathoi begona muhojiru
sargardon shud.

Ҷавоб диҳед Иқтибос Шикоят

Gurdofqrid

khudavand pisaratonro teztar shifoi komil nasib gardonad sihati salomat shavad Darde farzanda kase nabinad. Oboi chashmoni in modar dili jigare mara sukht...(((((( Afusuz 1000ho javononi tojik qurboni shudan az dasti muhojirat. Khok bar sare davlatdoree in Janobe khole . Kay dar vatan koe peydo meshavadu mardumi kambagal az azobe muhojirat khalos meshvand((((((((((

Ҷавоб диҳед Иқтибос Шикоят

Некруз

Худованд бузург шифо тияд. Дамирбек бисёр кори хуб карди. Ана хамин хел мардхои ба ору номус дар нохияи Гончи бояд зиёд шавад. Бойхо дар ин нохия бисёр ёрдам тиен то фарзанди муаллимаи азиз сихат шавад.

Худо шифот тияд Умедчон!

Ҷавоб диҳед Иқтибос Шикоят

Эзоҳ илова кунед