07 июл 2016 16:17Тоҷикистон / Иҷтимоӣ

Дастур барои ҷилавгирии марг аз консерваҳои худсохт ва интиқод аз кашолкории масъулини тиб

Азим Иброҳим, ноиби сарвазири Тоҷикистон дар ҷаласаи навбатии Шӯрои ҳамоҳангсозӣ оид ба бехатарии маҳсулоти хурокворӣ аз ҳодисаҳои ботулизм дар кишвар изҳори нигаронӣ кардааст.

Тибқи иттилоияи расмӣ Азим Иброҳим таъкид кардааст, ки ҳодисаҳои ботулизм мутаассифона дар баъзе ҳолатҳо сабабгори фавти мардум гаштааст: “Ин ҳодисаҳо бо сабаби истеъмоли консерваҳои дар шароити хона тайёркардашуда ба вуқуъ пайвастаанд”.

Бо зикри ҳолатҳои марги шаҳрвандон аз консерваҳои дастсохт муовини сарвазир ба Вазорати кишоварзӣ ва Вазорати тандурустию ҳифзи иҷтимоии аҳолӣ супориш додааст, ки дастурамал барои бехатар тайёр намудани консерваҳоро дар шароити хона таҳия кунанду, ба аҳолӣ пешниҳод намоянд.

Азим Иброҳим инчунин аз кашолкориҳои Вазорати тандурустии Тоҷикистон интиқод намудааст. Ба гуфтаи ӯ лоиҳаи қарори ҳукумат «Дар бораи Низомномаи мониторинги бехатарии маҳсулоти хӯрока ва сиҳатии аҳолӣ» бояд аз ҷониби Вазорати тандурустӣ ва ҳифзи иҷтимоии аҳолӣ пешниҳод мегардид, ки то ҳол амалӣ нашудааст.

Ноиби сарвазир масъулинро муваззаф намудааст, ки назорат дар самти таъмини сифат ва бехатарии маҳсулоти хӯрокворӣ тақвият дода шавад.

Мӯҳр

Хабарҳои монанд:

Вакилои хушомадгу

Хами ма чи каромате дорамки чизера аз дилам гузаронам хамон кор мешавад!!!
Хами хозир дили ман гуфтестай,ки вакилони хушомадгуи дарбори дар паи конуни нав дар бораи дар хонахо омода кардани консервахора манъ карданад. Магиранд як нишондоди калбаки омода намуда дар он нишон медиханд,ки соли гузашта чандхазор нафар аз консерваи худсохти хонаги ба бемориву ба халокат расид!!!тамом мекунанд манъ консерваро дар шароити хона омода карданашро. Баъд як гурух комисиячахои чашмгурусна ташкил намуда хона ба хона гашта аз огилхона то чердаку падвалу хочатхонахо хабар мегиранд ва протоколи маъмури тартиб медиханд агар ёфтанд ягон банка варени ё компоту салат!!!
Худо нигахбон шав ин мардуми дар холи факр карордоштаро.
Ин дарборихо харчики хоханд фармон мебароранд.

Ҷавоб диҳед Иқтибос Шикоят

Эзоҳ илова кунед