Шарҳи дубораи Шӯрои уламо дар бораи филми “Муллои замонавӣ” (ВИДЕО)
Як корбари сомонаи Шӯрои уламо, ки худро Лашкар Шариф, хабарнигори рӯзномаи “Ҷумҳурият” муаррифӣ намудааст, суол кардааст: “Лутфан оид ба филми туркии “Ҳидоят”, яъне “Муллои замонавӣ”, ки миёни аҳолии кишвар ҳаводорони зиёд пайдо кардааст, иттилоъ диҳед, зеро мегӯянд ин филм дар баробари камбудии зиёд лаҳзаҳои тарбиявӣ низ дорад”.
Дар посух Шӯрои уламо бо такя ба саҳифаҳои 158-159-и китоби “Фиқҳи муосир” изҳор доштааст, ки назари аҳли Ислом дар бораи синамо чунин аст: “Бояд асли филм ва моҳияти он аз ҳар гуна фисқу гуноҳ ва ҳар чизе, ки ба ақоид, дастурот ва одоби исломӣ мухолиф аст, дур бошад. Аммо филмҳое, ки боиси таҳрики ғаризаи ҷинсӣ, ташвиқ ба гуноҳу иртикоби амалҳои нодуруст ва таблиғи афкор ва ақоиди ботил бошанд, тамошои онҳо мамнуъ аст. Агар муҳтавои онҳо аз ин гуфтаҳо орӣ бошанд, боке надорад”.
Ин дар ҳолест, ки қаблан Шӯрои уламои Маркази исломии Тоҷикистон филми туркии “Муллои замонавӣ” ё "Ҳидоят"-ро аз як тараф гуноҳ ва аз тарафи дигар дарси ибрат барои онҳое хондааст, ки дар симои ҳар ҷелакпӯш муллоро мебинанд.
Як корбари сомонаи Шӯрои уламо, ки худро Беҳрӯз муаррифӣ намуда буд, қаблан аз ин ниҳод суол кард, ки оё тамошои филми туркии “Муллои замонавӣ” ё “Ҳидоят”, ки дар он намоз ва дигар масоили Ислом ба тариқи масхара анҷом дода мешаванд, дуруст аст?
Дар посух масъулини Шӯрои уламо, ки зоҳиран ин филмро тамошо кардаанд, изҳор доштаанд: “Албатта бараҳна будани занҳо дар ин филм барои тамошобин боиси гуноҳ аст ва инчунин ба намоз ва дигар аъмоли динӣ масхара кардан гуноҳи нобахшиданист. Набояд мусулмон чунин амал кунад ва назар кардан ба ин гуна амалҳо низ гуноҳ аст”.
Шӯрои уламо дар баробари таъкид ба аъмоли гуноҳ дар ин филм, афзуда буд, ки “аммо аз як нигоҳ барои онҳое, ки ҳар ҷелакпӯшро мулло медонанд, бояд аз ин ибрат гиранд ва аҳли динашонро бишносанд, зеро имрӯз дар ҷомеаи мо низ чунин муллоҳо вуҷуд доранд”.
Дар филми “Муллои замонавӣ”, ки ба забони тоҷикӣ баргардон шудаасту дар Тоҷикистон тамошобинони зиёд пайдо намудааст, як ҷинояткори фирорӣ, ки аз умури дин ҳеч огоҳӣ надорад, бо пӯшидани либоси руҳонӣ ҳамчун имомхатиб қабул мешаваду ҳамчун мулло ба мардум маслиҳатҳо медиҳаду ҳидоят мекунад.
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
