29 июн 2016 16:57Тоҷикистон / Иҷтимоӣ / Муҳоҷир

Худкушии Дилхуши 24-сола, муҳоҷири 4-уми тоҷик дар Питер

Дилхуш Юнусов, сокини 24-солаи ноҳияи Айнӣ, падари ду фарзанд дар ноҳияи Всеволжски Санкт Петербург худро ба дор овехтааст.

Тавре Аҳмад Иброҳим, сухангӯи намояндагии Вазорати меҳнат, муҳоҷират ва шуғли аҳолии Тоҷикистон дар Русия ба “Озодагон” гуфт, ҷасади Юнусов 26-уми июн аз як дарахт дар назди дарёчаи деҳаи Костовои ноҳияи Всеволжск дарёфт шуда, фарзияи асосии марги ӯ худкушӣ мебошад: “Феълан таҳқиқот идома дорад”.

Тибқи иттилои мақомоти Русия ин ҷавони тоҷик дар хобгоҳи Василев ба қайд гирифта шуда, қабл аз худкушӣ бо ягон нафар муноқиша накарда, номаи пеш аз марг ҳам нагузоштааст: "Эҳтимол ӯ дар паи аз даст додани ҷойи кор худкушӣ кардааст. Ин фарзия ҳам санҷида хоҳад шуд".

Дар сурати тасдиқи худкушии Юнусов ин 4-умин ҳолати худкушии муҳоҷирони тоҷик тайи 2 моҳи охир дар Санкт Петербург мебошад. Ахиран ҷавони 18-сола ва қабл аз ӯ Аминов Муҳриддин Иброҳимович, соли таваллудаш 1985 зодаи деҳаи Зерободи ноҳияи Айнӣ дар Санкт Петербург худкушӣ карда буд. Инчунин Ҳусейн Саидов, сокини 29-солаи шаҳри Душанбе дар Санкт Петербург худро ба дор овехта буд. Намояндагии Тоҷикистон дар шарҳи қазия гуфт, “Саидови марҳум аз бонк қарздор будааст. Натавонистааст қарзи бонкро баргардонад ва аз ин рӯ худро ба дор овехтааст”.

Мӯҳр

Хабарҳои монанд:

мухочир

Онхо худкуши накардаанд. онхоро бурда дор кашидаистодаанд лекин мо мардуми сода намефахмем.

Ҷавоб диҳед Иқтибос Шикоят

kosim

in khudkushi durug ast millatgaroho mekushand dar akhboraton behad kazzobi mekuned

Ҷавоб диҳед Иқтибос Шикоят

Гунг.Метро.

Ин кори дасти миллатгароени рус аст.Пеш онхо дар назди даромадгохи метрохо одамони гайриславяниро зада е маьюб мекардан е мекуштанд.Акнун холо онхо бо дигар усулхо одамкуши мекунанд.Бо тарики эьлони коргаркобиву ба кор даьват кардан.Мухочирони кории бечора ба онхо занг мезананд,онхо худро директори ресторану магозахо ва е ягон шахси хонасоз щинос менамоянд.Баьд маоши калон ваьда медиханду таькид мекунанд,танхо худаш ояду халос,яьне обьекти чои кор махфи аст е хамон як одам даркор.Онхо чои вохуриро муайян мекунанд.Мухочири бечора ба он чои вохури хозир мешавад,танхо,баьд дигар беному нишон ,бедарак мешавад.Е баьди кофтукови чандруза часадашро меебанд,е умуман абади бедарак мешавад.Боз усули дигараш духтархои руси касосгири миллатгарову бадбини рус.Онхо хам тарики эьлонхо чавонони мухочирро ба танхои бурда,ба дасти тоссарон месупоранд.Дар хилватчойхое,ки одамон набинанду полисхо надонанд.Усули дигар поидани тоссархо назди терминалхои пулгузарони,онхо аз паси мухочири бехабар нигох мекунанд,ки у ба кадом раками телефон пул мегузаронад,дар хотир гирифта,духтареро мефармоянд,ки ба у занг зада,вайро ба вохури моил созад.Онхо дар пахлуи роххои назди чангал,чойхои кам одам ва берун аз шахр вохури менамоянд.Пас тоссархои миллатгаро уро ба катл мерасонанд.Борхо аз забони мухочирон мешунавем,ки бародараш аз чои кор баромада меравад,е хамкорононашон,чизе нагуфта,баьд онхо бедарак мешаванд.Ачоиботи вокеахоро бинед,ки часади онхоро е аз ягон дохили чангал меебанд,е аз ягон бинои кухнаи беодам,е аз ягон хилватгохе.Агар боз муяссар шавад,ки часадашро ебанд.80-фоизи чавонони мухочир аз чунин сар задани ходисахо бехабаранд.Чавонони мо танхо мегарданд,аз ниятхои худ е максадхои худ хамдигарро хабар намекунанд,е бепарвои менамоянд.Ин чавон чи хел худкуши кардааст,кас надида буд,ки у бо худ банд е ресмоне бурда бошад?Ба хар хол эхтиет шудану зирак будан хело хуб аст.

Ҷавоб диҳед Иқтибос Шикоят

Эзоҳ илова кунед