23 июн 2016 13:25Тоҷикистон / Иҷтимоӣ / Тема дня

Даргузашти нахустин зани академики тоҷик дар пайи фишорбаландӣ

Хуршеда Отахонова, нахустин зани академики Тоҷикистон, доктори илмҳои филология, узви пайвастаи Академияи илмҳо имрӯз, 23 июн дар синни 84-солагӣ аз дунё даргузашт. Дар ин бора ба “Озодагон” Шервони Умриддин, сухангӯи Академияи илмҳои Тоҷикистон хабар дода, афзуд, ки ӯ аз бемории фишори хун даргузашааст. Марҳум зуҳри имрӯз дар мазори Сари Осиё ба хок супурда шуд.

Хуршеда Отахонова адабиётшинос ва мунаққиди шинохтаи тоҷик буда, даргузашташ талафоти бузурге дар илми филологияи тоҷик мебошад.

Хуршеда Отахонова 2 сентябри соли 1932 дар шаҳри Истаравшани вилояти Суғд таваллуд шудааст. Солҳои 1948-1953 факултаи таъриху филологияи Университети давлатии Тоҷикистон ба номи В. И. Ленинро хатм намудааст. Марҳум аз унвонҳои оддӣ то ба дараҷаи академикӣ расида, солҳои 1953-1954 ба ҳайси мудири шуъбаи адабиёт ва санъати рӯзномаи «Пионери Тоҷикистон», 1953-1954 аспиранти Институти забон ва адабиёти ба номи Рӯдакии Академияи илмҳои Тоҷикистон, 1957-1964 корманди хурди илмии Институти забон ва адабиёти ба номи Рӯдакӣ ва солҳои 1964-1971 ба ҳайси ходими калони илмии шуъбаи адабиёти советии Институти забон ва адабиёти ба номи Рӯдакӣ кор кардааст. Хуршеда Отахонова соли 1968 узви Иттифоқи нависандагони Тоҷикистон ва соли 1991 узви вобастаи Академияи илмҳои Тоҷикистон интихоб гардидааст. Соли 1994 ба ӯ унвони фахрии «Ходими шоистаи илми Ҷумҳурии Тоҷикистон» дода шудааст.

Мӯҳр

Хабарҳои монанд:

Гунг.Метро.

Чояш чаннат бодо ин модарро,хизматхои хуб кардааст барои миллат.Боз ин рахматии муаллимаи академик хам адабиетшинос.Хамаи академику профессорхову докторхои миллати мо магар танхо адабиетшиносу забоншиносу таьрихчианд.Кадомеашро мешиносем,адабиетшинос,боз медонем,забоншинос,боз бохабар мешавем филолог,боз интизор мешавем профессор е академики таьрих.Кай рузе расем,ки як профессори сохаи тиб барояд,ки касалии саратону фишори хуну асабу дилро бо рисолахои илмии тиббиаш пешгири кунаду академик шавад.Кай он руз мерасад,ки ягон точик чи навь тайер кардани газро намоиш дихаду академики сохаи нафту газ шавад.Ягон олиме мебаромада бошад,ки аз тобиши санги осиеб барк истехсол кунад?Е олиме пайдотшавад,ки донахои гандумро мисли донахои ангур ба парваришу истехсол монад?Холо баьдтар боз вомехурем,ки ягон аспирант е донишчуи филологияро тамом карда,дар бораи тарчумаи холи ин рахматии академикзани точик менависад...боз вай мешавад ..академик.Баьд чи? Баьд дигарон вайро академик муаррифи мекунанду шахси адибу зиеи..боз даьвову талаб месозанд,ки ба ин академик мири шахр манзил чудо кунад..Душанбе пур аз шоиру нависандаву журналисту доктору профессору академик...вале мо хамон хастему хамон мемонем.Берун аз Душанбе!!!!

Ҷавоб диҳед Иқтибос Шикоят

Эзоҳ илова кунед