20 июн 2016 08:37Тоҷикистон / Иқтисодӣ / Видео / Тема дня

Маҳсулоти хитойӣ “бозор”-и сабадҳои Исроилро танг накард (ВИДЕО)

Исроил Қосимов 5 соли ҳаёти 40-солаи худро сарфи бофтани сабадҳо кардааст.

Ин сокини рустои Сайёди ҷамоати ноҳияи Муъминобод мегӯяд, сабадбофиро аз ҳамдеҳааш Ҷумъа Халифаев омӯхт ва ҳоло ба қавле “аз пушт”-и ин шуғл нон мехӯрад.

Исроил Қосимов дар суҳбат ба “Озодагон” гуфт, дар кори сабадбофӣ ҳамсараш ба ӯ ёрӣ медиҳад: “Ӯ дар як вақти кутоҳ хеле хуб ин шуғлро аз худ кард”.

Ин ҷуфт аксаран сабадҳоро мувофиқи фармоиш мебофанд: “Одамон барои хушк кардану нигоҳ доштани мева, гирифтани нон, гузоштани қурут, тухм ва маҳсулоти ширӣ ва барои коҳ додани чорво сабад фармоиш медиҳанд”.

На танҳо сокинони маҳаллӣ, балки хориҷиҳо низ барои харидории сабад дари онҳоро мекубанд: “Баъзе шаҳрвандони Тоҷикистон вақте хориҷи кишвар мераванд, сабадҳоро ҳамчун туҳфа мебаранд. Хориҷиҳо низ меоянд ва аз мо сабад мехаранд”.

Исроил Қосимов мегӯяд, онҳо аз моҳи сентябр то март ба ҷамъоварии химчаҳои шулаш машғул мешаванд: “Сабадҳо танҳо бо ин химчаҳо мустаҳкам ва зебо мешаванд”.

Ин ҷуфт мегӯяд, ҳарчанд ҳоло молҳои пастсифати хитойӣ дар бозорҳо зиёданд, аммо ин теъдоди муштариёни онҳоро кам накардааст: “Дар маркази ноҳия бародарам як дукон дорад ва онҷо сабадҳои моро мефурӯшад. Шукри Худо харидорон ҳастанд”.

Нархи сабадҳо вобаста ба шаклу андозаи онҳо аз 10 то ба 70 сомонӣ мерасад.

Мӯҳр

Хабарҳои монанд:

Ошики як шоира.

Хар он кас,ки ери азизу мехрубон дорад,
Саодати абаду умри човидон дорад.
Занро мард мекардаги зан аст,номард мекардаги хам зан.

Зани хубу дурусту порсо ,кунад марди дарвешро порсо!!!!!!
Бо мехнати халол руз мегузаронанд,иштироки хамсари ин марди хунар хело уро кувват мебахшад.
Як шоирае гуфта аст,ки танхоии зан аз вучуд доштан е надоштани мард дар оила вобаста нест.Мутлако хатои махз аст,мард боиси танхогии зан намешавад хеч гох,агар чунин хамсаре дошта бошад.Халоли шумо бод,эй хунармандон!!!!

Ҷавоб диҳед Иқтибос Шикоят

Шарки озод.

Ки бошад у шоира?

Ҷавоб диҳед Иқтибос Шикоят

Эзоҳ илова кунед