17 июн 2016 10:31Тоҷикистон / Иҷтимоӣ / Рӯ ба рӯ

Убайдуллоев барои соҳаи нақлиёт раисони нав меҷӯяд

Маҳмадсаид Убайдуллоев, раиси шаҳри Душанбе барои ишғоли мансабҳои роҳбарӣ дар умури нақлиёти пойтахт озмун эълон кардааст.

Тибқи қарори Убайдуллоев, барои ишғоли вазифаи директори Муассисаи давлатии коммуналии "Душанбенақлиётхадамотрасон" аз 15 июн то 15 июли соли 2016 озмун эълон шудааст: “Ба довталабоне, ки донишгоҳ ва ё донишкадаҳои хориҷи кишварро хатм намуда, на кам аз 5 сол таҷрибаи кории роҳбарикунанда дар соҳаи нақлиёт дошта бошанд, афзалият дода мешавад”.

Инчунин барои ишғоли мансаби холии мудири шӯъбаи нақлиёт, нигоҳдории роҳ ва коммуникатсияи дастгоҳи раиси шаҳри Душанбе аз 16 июн то 16 июли соли 2016 озмун эълон намудааст: “Ба довталабоне, ки донишгоҳ ва донишкадаҳои ҷумҳурӣ ва ё хориҷи кишварро бо ихтисоси ташкили ҳамлу нақл ва идора дар нақлиёт хатм намуда, таҷрибаи кории роҳбарикунанда на кам аз 7 сол аз рӯи ихтисос доранд, афзалият дода мешавад”.

Дафтари матбуоти шаҳрдорӣ мегӯяд, довталабон барои гирифтани маълумоти иловагӣ метавонанд ба шӯъбаи кадрҳои дастгоҳи раиси шаҳри Душанбе муроҷиат намоянд.

Эълони озмун барои интихоби раҳбарони нав дар соҳаи нақлиёти Душанбе дар ҳолест, ки қаблан Маҳмадсаид Убайдуллоев барои камбудиҳо дар умури мусофирбарӣ Абдулҳақ Алиев, директори Муассисаи давлатии комуналии "Душанбенақлиётхадамотрасон"-ро барканор карда, Ғаюрбек Искандаровро муваққатан ба курсии ӯ нишонд. Искандаров қаблан муовини аввали раиси корхонаи "Душанбенақлиётхадамотрасон" буд.

Раиси шаҳри Душанбе дар гузашта барои ислоҳи камбудиҳо дар соҳаи мусофирбарӣ, аз ҷумла аз байн бурдани "таксиҳои сесомонӣ" ба масъулин як моҳ муҳлат дода буд.

Мӯҳр

Хабарҳои монанд:

Беном

Ман чанд маротиба дар чунин озмунхо иштирок карда будам. Озмун Сари вакт чамъбаст на мешаваду моххои дароз тул мекашад. Баъзан фаромуш мешаваду, бори дигар аз нав эълон мешавад. Ман доимо баронамаи худро пешкаш мекунад, тачрибаи кории кофи дорам, аммо доимо хуччатхои маро бармегардонанду, шахсони аз озмун гузаштаро хеч вакт руи рост эълон намекунанд. Шояд ин бо ном гузаронидани озмун асту, шахси худашонро таъин мекунанд.

Ҷавоб диҳед Иқтибос Шикоят

рома

беном бародар нав хитшон кади.

Ҷавоб диҳед Иқтибос Шикоят

Мусофир

Систему нужно менять целиком,таким методом не чего не изменится!

Ҷавоб диҳед Иқтибос Шикоят

Номдор

Беном,
Аз суханот малум ки шуморо дар боло сиёх мекунанду одамони худашонро назди раис медароранд. Шояд делаи шуморо хатто ба раис нишон надиханд. Барои хамин шахсан худи ШУМО назди раиси шахр дароед. Ба дигарон бовар накунед.
Дар вазифадори миёнаравхо бисёр хастанд. Корашон факат сиёх кардану одамони худро назди Вазирону Раисон даровардан аст.

Ҷавоб диҳед Иқтибос Шикоят

Бахром

Пеш аз он ки як фаъолияти сохибкориро бастан , хукумат бояд як алтернативаи дигар сохибкориро пешниход кунад !
Хусусан дар вакти бухрони иктисоди , бастан ва ё махдуд кардани фаъолияти сохибкори ин кори нодуруст аст !
Ба чои раиси шахр ман ба хамаи онхо лицензия ва патентро мефурухтам . Хам бюджети шахр пур мешавад ва садхо нафар сохибкорон фаъолияти худро хукуки давом медоданд . Чун медонем , ки 10 соли охир ин таксистхо гайри конуни кор мекунанд . Киссахои сиёхи кормандони давлатро аз он чумла БДА , лицезия , андоз ва полисро пур мекарданд !
Барои он ки дар чумхури корупция ривоч нагирад , хукумат бояд фаъолиятии гайриконуниро ба конуни табдил дихад !
Биравед аз дигар давлатхо биомузед !

Ҷавоб диҳед Иқтибос Шикоят

Эзоҳ илова кунед