17 июн 2016 10:01Тоҷикистон / Иқтисодӣ

Таҳрири Кодекси меҳнат: Мастӣ? Маош намегирӣ!

Маҷлиси намояндагони Тоҷикистон лоиҳаи Кодекси меҳнат дар таҳрири навро қабул кард.

Сумангул Тағойзода, вазири меҳнат, муҳоҷират ва шуғли аҳолии Тоҷикистон имрӯз, 17-уми июн зимни муаррифии лоиҳа дар парлумон гуфт, Кодекси нави меҳнат дар пайи супориши раисиҷумҳур таҳия шуда, ба ҳифзи ҳуқуқи корманду корфармо равона шудааст.

Хонум Тағойзода афзуд, Кодекси нав аз 41 боб ва 366 модда иборат буда, муносиботи меҳнатии вакилони парлумон, судяҳо, кормандони мақомоти ҳифзи ҳуқуқ ва иҷроияро низ фаро мегирад. Ӯ гуфт, бар асоси таҳрири нав барои кормандони соҳаи кишоварзӣ ва варзишгарон низ рухсатии меҳнатӣ пешбинӣ шудааст. Вазири меҳнат илова намуд, корфармо уҳдадор аст ба кормандоне, ки дар шароити вазнину хатарнок фаъолият доранд, либос, пойафзол ва ғизои табобатиро таъмин кунад. Ба гуфтаи муалллифон инчунин ҳар як корхона бояд ҷойҳои иловагӣ барои ба кор гирифтани маъюбон ҷудо намояд.

Азизмуҳаммад Холмаҳмадзода, вакили парлумон дар идомаи муаррифӣ гуфт, тибқи муқаррароти нави Кодекси меҳнат, агар истеъмоли нӯшокиҳои спиртӣ аз ҷониби корманд дар ҷои кор ба қайд гирифта шавад, роҳбар ҳақ дорад, шартномаро бекор кунад ва бепардохти музди меҳнат кормандро ҷавоб диҳад.

Инчунин Холмаҳмадзода изҳор дошт, дар доираи таҳрири нави Кодекси меҳнат агар корфармо кормандро бо гумроҳ кардан ба кор гирифтаасту созишнома бастааст, суд ҳақ дорад, ин шартномаро бекор кунад.

Мӯҳр

Хабарҳои монанд:

Карахтак

Масти дар кор то хол мумкин буд?! Намедонистем, аз хукуки худ истифода накардем ку)))

Ҷавоб диҳед Иқтибос Шикоят

Фируз

Аз ин рухсатии меҳнатӣ имсола хеч бахрае нест. Моро аз чои корамон гуфтанд, ки имсол рухсати дода намешавад агар шавад хам хамаатонро бозхонд мекунем ва бемаоши иловаги омада машировка мегузаренд бахшида ба рузи истиклолият. Касе, ки намеомадаст аз кор пеш мекардаянд, чи магар машировка ба профессор дотсенту муаллими калон мондааст. Ин кадар донишчуро аз тачрибаомузию супоридани имтихоно махрум кардан ба хотири раксу бозии чи маъни дорад. Магар дар ТЧ ракосаву мактабхои ракси каманд?
"Холмаҳмадзода Азизмуҳаммад, вакили парлумон дар идомаи муаррифӣ гуфт, тибқи муқаррароти нави Кодекси меҳнат, агар истеъмоли нӯшокиҳои спиртӣ аз ҷониби корманд дар ҷои кор ба қайд гирифта шавад, роҳбар ҳақ дорад, шартномаро бекор кунад ва бепардохти музди меҳнат кормандро ҷавоб диҳад. "---- Агар ин кодекси Шумо вучуд медошт дар ДМТ ними устодонаш бояд рухсатии бепули мехнати не балки маош дода нашавад.

Ҷавоб диҳед Иқтибос Шикоят

манба

Мархамат ба фарханг

Ҷавоб диҳед Иқтибос Шикоят

Эзоҳ илова кунед