Ҳушдор аз таниши бештари тоҷикону чеченҳо ва пешниҳоди гуфтушунид
Дӯстов дар шарҳи хабари “Озодагон” дар бораи нашри наворҳои зидди ҳам аз ҷониби тоҷикону чеченҳо изҳор доштааст, ки бояд ҷилави ин танишро гирифт, то нохалафе натавонад аз ин вазъ сӯиистифода кунад.
Ӯ аз намояндагиҳои Тоҷикистон дар Русия ва фаъолони тоҷик дар ин кишвар- Абдулло Давлатов, Гавҳар Ҷӯраева, Каромат Шарипов, Хуршеда Ҳамроқулова, Иззат Амон, Каримҷон Ёров ва дигарон даъват намудааст, ки ҳарчи зудтар машварат ороста, ба густурда шудани нофаҳмиҳо роҳ надиҳанд: “Роҳбарони диаспораҳо ва масъулини сафоратро зарур аст, бо намояндаҳои Шӯрои ҷамъиятии Русия, бо роҳбарони чеченҳо мулоқот ороянд, то нохалафе аз вазъ сӯиистифода накунад”.
Дӯстов инчунин ҷалби рӯзноманигорони маъруфи рус- Максим Шевченко ва Владимир Соловёвро ба миёнҷигарӣ дар гуфтугузорҳо пешниҳод кардааст. Ин таҳлилгари тоҷик таъкид намудааст, ки ҷилави чунин ҷавонони тоҷикро, ки воқеан чеченҳоро таҳқир кардаанд, бояд пеш аз ҳама тоҷикҳои бохиради Русия бикашанд.
Ин ҳушдору пешниҳодҳо дар ҳолеянд, ки ахиран дар шабакаи Ютуб навори узрхоҳии як ҷавони хунолуди “тоҷик” аз тамоми чеченҳо нашр шуд. Ин қазия, рӯзи шанбе аз нашри як навор дар Ютуб зери унвони “тоҷикҳо беҷазо чеченҳоро таҳқир мекунанд” оғоз гардид. Дар навор ду ҷавоне, ки худро тоҷик мегӯянд, ҳангоми ғизохӯрӣ ба чеченҳо таҳдид мекунанд, ки онҳоро низ мехӯранд. Ҷавони “тоҷик” чеченҳоро дар ҳодисаи хунини қабристони Хованскоеи Маскав, ки сабаби марги се шаҳрванди Тоҷикистон шуд, гунаҳкор дониста, афзуд, ки “чеченҳо қаблан шоиста ва намуна”, аммо ҳоло “номард ва ночиз” шудаанд: “Онҳо бояд подоман пӯшанд”. Дар навори ахире, ки нашр шуд, “қаҳрамони асосӣ”-и навори қаблӣ бо сару рӯи хуншор ва зери мили туфангча аз тамоми мардуми Чеченистон узр мехоҳад ва мегӯяд манзураш “ҳамаи чеченҳо” набудаанд.
Дар Русия бархе аз таҳлилгарон аз ин қонуншиканиҳои рӯирости чеченҳо интиқод намуда, изҳор доштаанд, ки баъзе аз авбошони ин халқ дар назди қонун аз “иммунитети хосе” бархӯрдоранд. Дар пасманзари афзоиши наворҳои узрхоҳии маҷбурии афроди гуногун аз чеченҳо ва раҳбарашон Рамзан Қодиров сиёсатмадори рус Алексей Навалний суол гузоштааст, ки чаро онҳо рӯирост чунин наворҳоро нашр мекунанд? Ва худаш посух додааст, ки зеро Кремл онҳоро аз иммунитети хосу дахлнопазирӣ бархӯрдор кардааст. Навалний ҳушдор додааст, ки авбошони қонуниро дар хидмати давлат қарор додан оқибати бад дорад. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
