Локшина: Қазияи муҳоҷирони тоҷик шабеҳи маъракаи зиддигурҷиҳост

Хонум Локшина, зимни сӯҳбате ба бахши русии радиои «Озодӣ» гуфтааст, он чӣ ки ҳоло ба вуқӯъ мепайвандад, «маъракаи зидигурҷиҳо дар соли 2006»-ро ба хотир меорад. «Ҳарчанд мақомоти Русия иддао мекунанд, ки ихроҷи муҳоҷирони тоҷик ба ҳукми додгоҳ нисбати халабонҳо дар Тоҷикистон иртибот надорад, аммо ин як иқдоми ҳадафмандона алайҳи шаҳрвандони Тоҷикистон, ки дар Русия иқомат мекунанд, мебошад»,-илова намудааст Татяна Локшина.
Муовини раҳбари созмони Human right Watch дар Маскав гуфтааст, «ҳукми шаҳрванди Русия дар Тоҷикистон ва бо ин усул ихроҷ намудани шаҳрвандони Тоҷикистон аз Русия на бояд дар як зовия қарор бигиранд».