09 июн 2016 14:36Тоҷикистон / Сиёсат

Наздикони маҳкумшудаҳои аршади ҲНИТ: Ҳанӯз нусхаи ҳукми додгоҳро нагирифтаем

Наздикони аъзои маҳкумшудаи ҳизби фаъолияташ дар Тоҷикистон мамнӯи наҳзати исломӣ мегӯянд, бо гузашти 7 рӯз аз эълони ҳукми Додгоҳӣ олӣ ҳанӯз нусхаи ин ҳукмро дарёфт накардаанд.

Савринисо Ҷӯраева, ҳамсари Маҳмадалӣ Ҳайит, муовини раиси ҲНИТ имрӯз, 9 июн ба “Озодагон” гуфт, аз ҳукми Додгоҳи олӣ, ки шавҳарашро ба ҳабси абад маҳкум кард, ризо нестанд ва мехоҳанд ба мақомоти болоӣ шикоят баранд: “Котиби додгоҳ ба мо гуфт, то замоне, ки судшаванда ҳалномаи судиро дар дасташ нагирад, ҳаққи шикоят ба ягон ҷоро надоред. Мо барои шикояти кассатсионӣ ҳамагӣ 10 рӯз фурсат дорем, аммо бо гузашти 7 рӯз ба мо иҷозаи дидор бо шавҳарамро надодаанд”.

Ҷамшед Ёров, вакили дифои Маҳмадалӣ Ҳайит низ гуфт, пас аз шинос шудани зерҳимояаш бо ҳукми додгоҳ ба Суди кассатсионӣ шикоят хоҳанд бурд: “То рӯзи 7 июн нусхаи ҳукмро ба Маҳмадалӣ Ҳайит надода буданд. Бояд ӯ бо ҳукми додгоҳ шинос шавад. Ман ният дорам имрӯз ба Додгоҳи олӣ барои вохӯрӣ бо зерҳимояам дархост нависам. Иҷозат шуд, мулоқот мекунем ва агар вай нусхаи ҳукмро гирифта бошад, як ҷо шикоятро тартиб медиҳем”.

Бар пояи қонунгузории Тоҷикистон баъди эълони ҳукм давоми 10 рӯз маҳкумшудаҳо метавонанд ба зинаҳои болоӣ шикоят баранд. Ҳуқуқшиносон мегӯянд, ин 10 рӯз аз замони ба дасти судшаванда расидани нусхаи ҳукм ҳисоб карда мешавад. Баъди ин муҳлат ҳукм қувваи қонунӣ мегирад.

Додгоҳи олии Тоҷикистон 2 июни соли равон Маҳмадалӣ Ҳайит ва Сайидумар Ҳусайнӣ, муовинони раиси ҲНИТ-ро ба ҳабси абад маҳкум кард. Аъзои дигари аршади ин ҳизби фаъолияташ дар Тоҷикистон мамнӯъ аз 2 то 28 сол равонаи зиндон шуданд.

Мӯҳр

Хабарҳои монанд:

Самандар

Махмадалй чокади худта да бало мондй. Ай хаму замони сузондани хучати воин-интернатсионалистй эътикодам гаштагй буд. Хай ина чомекунй дига якумр да кунчи зиндон хов мерай. Зану бачахот сагира. Ай нахзат хамика фойда дидй. О туда чй намерасид? Як шаркшиноси варзида будй. Холи бо хукумат меистодй ягон сафир ё вазир мешудй. афсус...

Ҷавоб диҳед Иқтибос Шикоят

точикистони нав

бародар самандар инхо кахрамонанд номи инхо фарзандони фарзонаи миллат дар таърих хохад монд ту боин акли кутохат инхоро шинохта наметавони

Ҷавоб диҳед Иқтибос Шикоят

Одина

Бо кадом корхояшон инхо кахрамонанд? Бо бе рахмию мардумро бо хамдигар душманкуниашон? Максади асосии онхо Точикистонро гирифта халкашро шиа мазхаб кардан буд, ки Тирашон хок хурд. Мо мардуми сарбаланди точик хеч гох чунин миллатфурушу хоинонро намегузорем ки ба сари мо бало биеранд. Озодагон чаро назари маро нашр намекунед? Е ин , ки Шумохам нахзатиед? Инхо хаммашон фиреб хурдаанд Мухиддин бошад дар Аврупо рохат карда гаштаистодааст бо чор хонумаш.

Ҷавоб диҳед Иқтибос Шикоят

Гундул

Самандар неки рост гуфти..гар замона бо ту насозад ту бо замона бисоз..гуфтааст кадом бузурге..ва умуман ин дуневу умр кирои чангу сиесату кашмакашихо надорад.хай дига чи гуям..

Ҷавоб диҳед Иқтибос Шикоят

Донишҷӯ

самандар,номи ин ҷавонмардонро рӯзе таърих ҳамчун қаҳрамон далер ва ҷасур ёд меорад,аммо одамоне,ки нисбати халқу дину оинаш ноҳурмати мекунад рӯзе ҳамчун золим таърих ошкор мекунад.коре шуд ниҳоят ғамангез ман барои бародарои адолатхоҳам ҳаруз оби чашм мерезам ва аз Худованд озодии онҳоро талаб мекунам дар як каф дуоям.

Ҷавоб диҳед Иқтибос Шикоят

Эзоҳ илова кунед