09 июн 2016 13:19Тоҷикистон / Акс

АКСУ ВИДЕО: Видоъ бо Маҳкамов дар масҷиди марказӣ бо ҳузури Убайдуллоев, Р.Эмомалӣ ва...

Маросими видоъ бо Қаҳҳор Маҳкамов, аввалин раисиҷумҳури Тоҷикистон имрӯз 9 июн дар Масҷиди марказии шаҳри Душанбе баргузор шуд.

Хабарнигори “Озодагон” мегӯяд, барои гусели Маҳкамов ба роҳи охират аъзои феълӣ ва собиқи ҳукумат, бо шумули сарвазир Қоҳир Расулзода, раиси Маҷлиси миллӣ Маҳмадсаид Убайдуллоев, нахуствазири собиқ Оқил Оқилов, раиси Оҷонсии зидди фасод Рустами Эмомалӣ ва бештари вазиру раисони кумитаҳои кишвар ба Масҷиди марказӣ ҳозир шуданд.

Қаҳҳор Маҳкамовро бар асоси васияти худаш дар қабристони Сари Осиё дар паҳлӯи ҳамсари марҳумаш ба хок супориданд.

Абдурашид Маҳкамов, бародари Қаҳҳор Маҳкамов дар суҳбат бо "Озодагон" гуфт, марҳум баъди як моҳи бистарӣ шудан дар беморхона, вақте мефаҳмад, ки бемориаш табобатнашаванда аст, мегӯяд, ӯро ба хона бубаранд: “Давоми ду ҳафтаи охир дар хона буд. Ӯ гуфт, ман дар зиндагиам аз мардуми оддӣ дур набудам, бинобар ин ҷанозаамро хоксорона, бедабдаба мисли мардуми оддӣ гузаронед, то ман оромона хоб кунам”.

Георгий Кошлаков, ноиби пешини сарвазири Тоҷикистон мегӯяд, бо Мақкамов солҳои зиёд кор карда, ӯро як муҳандиси олӣ, таҳлилгари хуб дарёфт, ки ҳамеша барои манфиати мардум кор мекард. Ба гуфти Кошлаков, нақши Маҳкамов аз роҳандозии тарҳҳои бузурги энергетикӣ дида, то бунёди корхонаҳои кимиёвию ТАЛКО хело барҷаста аст.

Донишманди тоҷик Акбар Турсон гуфт, Қаҳҳор Маҳкамов як хоксорӣ ва эҳсоси масъулияти шахсӣ ва давлатӣ дошт: “Замони таҳияи Қонуни забон мо соатҳо баҳсу мунозира доштем ва як чиз ба ман бисёр таъсир карда буд, ки масъаларо зуд мефаҳмиданд, зиёд савол намедоданд, аз ҳамин ҷиҳат барои ман хело шахсияти муътабар ҳастанд”.

Ӯ хислатҳои нек, дониш, таҷриба ва эҳсосу масъулиятшиноси Маҳкамовро намунаҳои ибрат барои раҳбарони давлат хонд.

Мӯҳр

Хабарҳои монанд:

Озод

Бинед, хамин шахсиятхое, ки дар ин маросими дафни марди начиб иштирок доранд, зарае хулоса намебардоранд, ки мо дар ин дунё ба мисли Рохгузар е мехмон хастем. Бошад ин шахсиятхо часади дар болои тобутро бинанд, то, ки бидонанд ки фардо мову шумо болои ин тобут савор ва давон давон ба суи манзили охират меравем.

Ҷавоб диҳед Иқтибос Шикоят

манижа

Худованд чояшро чанат гардонад. бисёр инсони одди ва босавод буданд. хама вакт халкро дастгири мекарданд. бо халк буданд

Ҷавоб диҳед Иқтибос Шикоят

ворух

Табъи Зухуров чок

Ҷавоб диҳед Иқтибос Шикоят

Muhojir

Бояд мурдани ин ибрат барои дигар рохбархои давлат шавад!!! Чунки хаминхам як вактхо дар вазифахои буурги далати буд ...Аммо имруз...

Ҷавоб диҳед Иқтибос Шикоят

Кухистони

Рухаш шод бод. Мархум дар хакикат марди хоксор ва бо адолат буд. Инро иан дар солхои пас аз раиси чумхур будани у хис карда будам. Агар у адолат намедошт, наметавонист озодона ва бе мухофиз дар байни мардум гардад. Тасавур кунед, ки Кахор Махкамов, аксарият хаёти худро дар вазифахои оли, раиси госплан, котиби генерали, раиси чумхур гузаронид. Оё чунин рохбарро метавон бо рохбарони имруза мукоиса намуд, ки хатто хешони дурашон бе мухофиз ва озодона наметавон дар байни мардум гашт. Холо хато як сардори шуъбаи милиса наметавонад дар байни мардум озодона бе тарс кадам гузорад. Ин аз чи далолат медихад аз беадолатии чунин ашхос. Махкамов дао як ширкати бо ном хато накунам Шукур кор мекард ва дар корхонаи лохиакашии бо номи он вакта Таджик Гипрострой хозира Шахрофар офис ичора мегирифт. Он вакт ман бади хатми донишгох бо вобастагии корам зуд зуд ба ончо мерафтам ва уро ва фарзандонашро медидам. Писараш ва духтараш зуд зуд ба ончо меомадан. Онхо як жигулии одии 2109 рангаш сафед доштанд. Махкамов бошад як волгаи газ 24-и кухна. Ман аз хоксорию одди будани ин шахси барчаста хайрон шуда ба падарам, ки у низ корманди одди набуд накл мекардам. У аз донишмандию хислатхои Махкамов ба ман бисёр накл мекард, ки уро мешинохт. Борхо бо у сухбат карда будам. У ту хурду ман калон ва ту оддию ман барчаста намегуфт. Хаёти одди нишон медод. Тасвур кунед агар у адолат намедошт оё метавонист, ки харруз танхо бе мухофиз ба як корхонаи ичора меомаду кор карда метавонист. Акнун тасавур кунед оддитарин корманди имрузаи давлатро оё метавонад, ки чунин зиндагии озодона пас аз кор рафтанаш дошта бошад? Не чунки онхо адолат надоранд ва хечгох аз тахкиби мардум халос намешаванд. Озодагон ин ёдоварии маро бе кайчи чоп кунед. Худо махфират кунад чунин шахси барчастаю хоксору боадолатро. Точикистон боз як донишманду сутуни давлатиро аз даст дод.

Ҷавоб диҳед Иқтибос Шикоят

Саид

Ягон нафар аз хамин вазирону кабирон намози чанозаро хонда бошанд ?
Агар маросими дафни Кахор Махкамов ,тибки мусулмони баргузор шуда бошад ,расмашро ба кадом хотир овезон карда бошанд ё (новые таджики).

Ҷавоб диҳед Иқтибос Шикоят

исмат

суханхои у дар сесия ман халкамро гушна намемонам нархи ордро баланд намебардорам

Ҷавоб диҳед Иқтибос Шикоят

Наход

Наход, дар шаҳри Душанбе ягон мошини тобутбар набошад?

Ҷавоб диҳед Иқтибос Шикоят

Эзоҳ илова кунед