09 июн 2016 11:03Тоҷикистон / Иҷтимоӣ / Дидгоҳи хос

Васияти нахустпрезидент: Ҷанозаамро бедабдаба, мисли мардуми оддӣ гузаронед (АКС)

Ҷанозаи Қаҳҳор Маҳкамов, нахустпрезиденти Тоҷикистон, имрӯз, 9-уми июн баъди намози пешин баргузор мешавад. Ӯ дар қабристони Сари Осиё дар бари ҳамсари марҳумаш ба хок супорида хоҳад шуд.

Дар ин бора ба “Озодагон” Абдурашид Маҳкамов, бародари марҳум хабар дода, афзуд, ки маросими ҷанозаи Қаҳҳор Маҳкамов тибқи васияти худи ӯ сурат мегирад.

Абдурашид Маҳкамов изҳор дошт, ки марҳум баъди як моҳи бистарӣ шуданаш дар беморхона, вақте фаҳмид, ки беморияш табобатнашаванда аст, гуфт маро ба хона баред: “Давоми ду ҳафтаи охир дар хона буд. Ӯ гуфт, ман дар зиндагиам аз мардуми оддӣ дур набудам, бинобар ин ҷанозаамро хоксорона, бедабдаба мисли мардуми оддӣ гузаронед”.

Тавре хабарнигори “Озодагон” аз манзили марҳум хабар дод, барои видоъ бо Қаҳҳор Маҳкамов намояндаҳои қишрҳои гуногун, аз ҷумла мансабдорони давлатӣ-Маҳмадсаид Убайдуллоев, Муродалӣ Алимардон, Сироҷиддин Аслов, Оқил Оқилов, Шералӣ Ганҷалзода, Сумангул Тағойзода ва дигарон ҳозир шудаанд.

Қаҳҳор Маҳкамов, 8-уми июн, дар синни 84-солагӣ дар шаҳри Душанбе даргузашт.

Мӯҳр

Хабарҳои монанд:

Исҳоқ

Руҳат шод бод амрди наку. Дар ин моҳи Шарифи Рамазон иншоаллоҳ беҳтарин ҷойгоҳро дар Ҷаннат-ул-Фирдавс насиб хоҳи гашт. Роҳат сафед. Дар саволу ҷавоби охиратат комёбиҳо таманно дорем.

Ҷавоб диҳед Иқтибос Шикоят

Рустаи САФАР

Худованд ин бандаи одияшро раҳмату мағфират намояд. Бовар кунед пас аз хондани ин хабар бо худ гуфтам "Афсус Кишвар яке аз беҳамтотарину арзандатарин шаҳрвандашро аз даст дод".

Ҷавоб диҳед Иқтибос Шикоят

Иноятун

Рухатон шоду манзилатон обод бод!

Ҷавоб диҳед Иқтибос Шикоят

Абдуллох

Дар хасратам аз мароми ин мардуми паст,
Ин тоифаи зиндакушу мурдапараст.
То хаст ба зиллат бикушандаш ба чафо,
То мурд ба иззат бибарандаш сари даст.Исҳоқ,

Ҷавоб диҳед Иқтибос Шикоят

farid

агар ту шоху султони ба бавк ти Марг дармони . ИНАЛОУХ ИНАЛОХУ РОЧИУН.ОМИН

Ҷавоб диҳед Иқтибос Шикоят

Авазчон Хакимов

Рухатон шоду, кабратон обод бод Мухтарам Каххор Махкамович!

Ҷавоб диҳед Иқтибос Шикоят

Шахбоз

Сабти номи хештан дар санги хоро шарт нест,
Зинда он номе, ки дар дилхои мардум чой шавад!
Вокеъан хам номи накуи ин шахсияти бузург дар дилу дидахои мардум, хамеша зиндааст! Миллати бузурги Точик боз як фарзанди окил ва хизматнишондодаашро аз даст дод. Рухат шод ва хонаи охиратат обод бод, ОМИН!!!

Ҷавоб диҳед Иқтибос Шикоят

Эзоҳ илова кунед