Норозигии Президент аз сатҳи истироҳату саёҳат дар Ромит
Тибқи иттилои дафтари матбуоти раисиҷумҳури Тоҷикистон Эмомалӣ Раҳмон дар Ваҳдат имрӯз корхонаи металҳои ранга ва корхонаи ғанигардонии маъдани “Покрӯд”-ро ифтитоҳ намуда, дар ҳошия аз соҳаҳои гуногуни ҳаёт дар Ваҳдат суҳбат намудааст.
Аз ҷумла раисиҷумҳури Тоҷикистон гуфтааст, мавзеи Ромит яке аз гӯшаҳои бисёр зебоманзари кишвари азизамон мебошад ва бо қарори ҳукумат минтақаи истироҳат ва сайёҳӣ эълон гардидааст: “Вале дар ин самт ҳанӯз норасоиву мушкилоти зиёд ҷой дошта, андешидани тадбирҳои иловагиро тақозо менамоянд”.
Эмомалӣ Раҳмон муҳайё кардани шароити муосир ва истифодаи имкониятҳои табиати зебову обҳои шифобахши дараи Ромитро воситаи муҳими ҷалби сайёҳону меҳмонон, муаррифии табиати зебо ва имкониятҳои сармоягузорӣ, таъсиси ҷойҳои нави корӣ ва тадриҷан беҳтар шудани шароити зисти аҳолӣ хондааст: “Аз ин рӯ, сохтору мақомоти дахлдор якҷо бо мақомоти иҷроияи маҳаллии ҳокимияти давлатии шаҳри Ваҳдат вазифадоранд, ки монеаву масъалаҳои мавҷударо ҳаллу фасл намуда, бо истифода аз нерӯи созандаи соҳибкорону сармоягузорон ва роҳандозии механизми шарикии давлат ва бахши хусусӣ таъсиси инфрасохтори муосири сайёҳӣ, яъне бунёди осоишгоҳу меҳмонхонаҳо ва дигар иншооти хизматрасониро дар ин минтақа ва дигар мавзеъҳои сайёҳӣ вусъат бахшанд ва доир ба баланд бардоштани сатҳи хизматрасонӣ ба сайёҳону меҳмонон чораҳои муассир андешанд”.
Инчунин раисиҷумҳури Тоҷикистон дар пасманзари ифтитоҳи силсилакорхонаҳои ширкати “Покрӯд” изҳор доштааст, ки корхонаҳои бузург барои хеле обод гардидани шаҳру ноҳияҳо ва дигар маҳалҳои аҳолинишин имконият медиҳанд: “Ин ҷо таҷрибаи хуби як қатор корхонаҳои мамлакатро мисол овардан бамаврид аст, ки дар баробари сохта, ба истифода додани корхонаҳои бузург дар наздикии онҳо шаҳракҳои коргарон бо тамоми инфрасохтори иҷтимоӣ, аз қабили мактабу беморхона ва муассисаҳои фарҳангиву хизматрасонӣ низ сохта, ба истифода супорида шудаанд. Масалан, шаҳраки Суғдиён барои азхудкунии конҳои тиллои Тарору Ҷилави шаҳри Панҷакент ва шаҳраки Сарвода барои азхудкунии кони сурмаю симоби Ҷиҷикрути ноҳияи Айнӣ сохта шудаанд”.
Дар корхонаи ғанигардонии маъдани “Покрӯд”, ки имрӯз ифтитоҳ шуд ба иттилои дафтари матбуоти раисиҷумҳури Тоҷикистон дар марҳилаи аввали фаъолият давоми як руз 2 ҳазор тона маъдани кӯҳӣ коркард мешавад: “Дар марҳилаи аввал 2 тоннаю 492 кило тиллои хушсифати навъи 935 истеҳсол мешавад, ки ки дар бозори ҷаҳони арзиши гарон дорад. Дар марҳилаи дуюм бошад истеҳсоли тилло ба беш аз 3 тона расонида мешавад. Тибқи нақша ҷалби сармояи хориҷӣ барои бунёди фабрикаи ғанигардонии маъдани "Покрӯд" 256 милион долари амрикоиро дар бар мегирад.” Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
