03 июн 2016 14:20Тоҷикистон / Иқтисодӣ

Ҳушдори муфтӣ ба тоҷирони қиматфурӯш: Рӯзаро барои ҳамсоя мегиред?

Саидмукаррам Абдулқодирзода, раиси Шӯрои уламои Маркази исломии Тоҷикистон дар арафаи моҳи шарифи Рамазон аз эҳтимоли боло рафтани нархи маводи ғизоӣ дар бозорҳои кишвар ҳушдор дода, аз тоҷирон даъват намуд, ки аз ин моҳи хайру эҳсон сӯиистифода накунанд.

Абдулқодирзода, имрӯз, 3-юми июн зимни мавъизаи намози ҷумъа дар масҷиди марказии Душанбе изҳор дошт, ки дар бозорҳо маводи ғизоӣ зиёд аст, аммо бархе тоҷирон, сарфи назар аз талоши мақомот барои поин нигоҳ доштани нархҳо, маҳсулоташонро қиммат мефурӯшанд.

Ӯ дар хитоб ба тоҷирони Тоҷикистон гуфт, “Рамазон моҳи раҳмату мағфирату бахшандагӣ аст, ба бародарони мусалмони худ, ки онҳо ҳам рӯзадоранд, раҳм кунед, нархро боло набаред. Баланд бардоштани нархи молу маҳсулот беэҳтиромӣ нисбати рӯзадору моҳи Рамазон аст”.

Раиси Шӯрои уламо аз тоҷирон суол кард, ки вақте рӯза мегиреду бо сӯиистифода аз Рамазон нархҳоро боло мебаред, рӯзаю мусалмонӣ чӣ мешавад: “Рӯзаро ба хотири ҳамсояатон мегиред?”

Абдулқодирзода бо зикри хосиятҳои Рамазону аҳкоми шариат бори дигар тоҷиронро ба риояи адлу инсоф даъват намуд.

Ин даъвати муфтӣ дар ҳолест, ки дар Тоҷикистон боло рафтани нархҳо дар моҳи шарифи Рамазон як навъ анъана шудааст.

Мӯҳр

Хабарҳои монанд:

Самандар

Какой мусулмонй? никакой мусулмонй нест. Бозоракиёра худо мета. Мусори кучаро хам чор баробар кимат мефурушанд. Ман намедонам ин чихела мусулмонист? Аз киёмат 0,0000001 фоиз хам наметарсанд. Шояд хамун бечорахоро хам зиндагии сангин мачбур мекунад, ки аз мусулмонй фикру ёд хам накунанд. Мо кучо равонаем???

Ҷавоб диҳед Иқтибос Шикоят

Намозгузор

Чаноби муфти шумо он кушку касрхоро барои хамсояхоятон чам кардед ё барои бочахоятон.

Ҷавоб диҳед Иқтибос Шикоят

точир

Илтимос озодагон чоп кун ед ман хайронам ки ин муфти нахз тихо и салафихо халосшуд дуболи бизнеменора гирифтай дар минбареки онбояд аз Ислом гап заначот на азбизнес

Ҷавоб диҳед Иқтибос Шикоят

nabi farhor

Салом.Мохи шарифи рамазонро ба хамаи шумо муборакбод мегуям.Маводи гизои агар дар Душанбе 60-70 дирам ё 1-2 сомони кимат шавад дар назари хамаи мо метобад.Мисол.Як барел нафт дар чахон 90-100$ буд бензин 5-6 с фурухта мешуд.Аммо як барел нафт то 27-44 $ поин фаромад то хол бензин 5-6 с аст.Чи магар либоса дар бозори Корвон арзон аст,як ба ду,як ба се мефурушанд.Худованд адлу инсофи моро зиёд гардон.

Ҷавоб диҳед Иқтибос Шикоят

Экономист

Намозгузор,
Суоли дуруст додед.
Домулло, нархи бозорро бо маъвизаву дастури мақомот поён оварда намешавад. Манополияро бардоред, налогро поин оред, ба мардум халал нарасонед кору ҳунари аз дасташон меомадаро кунанд, давлат сериву пурӣ ва ҳам арзонӣ мешавад.
Ба кӣ даркор ин савсатаҳои мисли лапшаҳои китайскӣ ба гӯши мардум?!

Ҷавоб диҳед Иқтибос Шикоят

Эзоҳ илова кунед