02 июн 2016 11:30Тоҷикистон / Иҷтимоӣ

Мақомот: Талабаҳоро ташхис кардем, ҳамаашон сиҳат буданд

Мақомоти ноҳияи Шамсиддини Шоҳин хабари бад шудани вазъи саломатии боз даҳҳо мактабхони деҳаи Хоҷағалтонро шарҳ доданд.

Тавре аз мақомоти иҷроия, тандурустӣ ва маорифи Шамсиддини Шоҳин ба “Озодагон” иттилоъ доданд, 1-уми июн талабаҳоро танҳо барои ташхиси дубора ба беморхона овардаанд: “Беш аз 20 нафар буданд ва баъди ташхис ҳама мураххас шуданд”.

Мусоҳибони “Озодагон” изҳор доштанд, ки корҳои поксозӣ дар мактаб идома доранд ва вазъи саломатии ҳамаи талабаҳо хуб мебошад: “Масъулини тиб дар ҷои ҳодиса қарор доранд ва ба ҳар нафаре, ки аз саломатияш шикоят мекунад, фавран кӯмак мерасонанд”.

Ин изҳороти мақомоти ноҳияи Шамсиддини Шоҳин дар ҳолест, ки бархе аз сокинони ин ноҳия рӯзи 1-уми июн бо “Озодагон” дар тамос шуда, хабар доданд, ки вазъи саломатии боз даҳҳо мактабхон бад шудааст.

Аз ҷумла Ҳамрохон Икромов, падари яке аз талабаҳои ҷабрдида 1-уми июн ба “Озодагон” гуфт, “айни ҳол наздики 40 нафарро, ки дар мактаб вазъи саломатияшон бад шудааст, боз ба беморхона овардаем. Вазъи ду нафари онҳо вазнин аст, боқимондаҳо табобат гирифта, рафта истодаанд ”.

Ӯ афзуд, беҳушшавии мактабхонҳо баъди “дезинфексия”-е, ки “Саъдӣ”, як ташкилоти ғайридавлатӣ дар синфхонаҳо гузаронд, афзоиш ёфт. Икромов афзуд, ки чанд рӯз қабл низ ҳудуди 70 мактабхон аз ҳуш рафта буданд: “То ҳоле ҳеч кас масъулияти ин корро ба гардан нагирифтааст”.

Аммо мақомоти тандурустии Тоҷикистон дар шарҳи беҳушшавии мактабхонҳои деҳаи Хоҷағалтон изҳор доштанд, ки онҳо аз таъсири доруи зидди пашша заҳролуд гардидаанд. Мақомоти иҷроияи ноҳияи Шамсиддин Шоҳин мегӯянд, баъди безараргардонӣ масъулини мактаб огоҳ карда шуданд, ки бояд 3 соат дару тирезаҳоро кушода монанду ҳуҷраҳоро бо латтаи нам пок созанд, ки риоя нагардидаст.

Мӯҳр

Хабарҳои монанд:

Сугдинажод

Салому Дуруд бар Миллати Шарифи Точик ва корбарони сомонаи Озодагон!
Изхори хамдардии худро ба пайвандони атфоли чабрдида мерасонам, ва ба эшон сабри чамил- ро хохонам.
Ин кор бе шак, аз тарафи душманони Миллати Точик сурат гирифтаистодааст!
Барои ин чинояту, хиенатро ошкор кардан мутахасисони пуртачриба ва хирфаи лозим аст.
Аммо мутахсифона дар мо чунин мутахасисон вучуд надорад!
Наход дар як давлати сохибистиклол имкони муайян кардани ин бемориро набошад?
Ин хама Академику, Профессорхои дуругин ба чи кор машгуланд?.........

Ҷавоб диҳед Иқтибос Шикоят

Е аз носкаши е аз мводи мухаддир бехуш шудаанд.

Ҷавоб диҳед Иқтибос Шикоят

nabi farhor

Ин чи хели дизинфексия аст,ки хамаи талабахо аз буйи хализи дору бехуш шудаанд.Кадом корхона ё гурухе,ки дору пошидааст,бигзор дар назди конун чавоб гуянд.Асри 21-ро бинед,то ин дарача бекали а.

Ҷавоб диҳед Иқтибос Шикоят

Озодандеш

Озодагон чи аз макомот метарси, дар сурати ХИНТ акс аз Озоди навиштаи дар ин акс бошад, аз Озоди гирифтаи номашро намондаи. Ахсанат, коил кардаи ба ин амалат.

Ҷавоб диҳед Иқтибос Шикоят

Эзоҳ илова кунед