01 июн 2016 12:04Тоҷикистон / Иҷтимоӣ / Дидгоҳи хос / Тема дня

Ташхиси носи Тоҷикистон дар Амрико: Ягон меъёр надорад, боиси саратон мешавад...

Наврӯз Ҷаъфаров, ноиби вазири тандурустии Тоҷикистон мегӯяд, носҳое, ки феълан дар кишвар таҳти ному брендҳои гуногун фурӯхта мешаванд, ягон меъёру стандарти давлатии тайёркунӣ надоранд.

Ҷаъфаров дар конфронси бахшида ба Рӯзи ҷаҳонии бидуни тамоку, ки ҳамасола 31-уми май таҷлил мешавад, гуфт носи Тоҷикистонро барои ташхис ба Амрикою Русия бурдаанд. Тибқи иттилоияи расмӣ ноиби вазир зикр кардааст, ки истеҳсолу тайёркунии нос дар маҳалҳои Тоҷикистон гуногун мебошад ва барои ташхис намудҳои гуногун аз минтақаҳои кишвар пешниҳод шуданд: “Ташхиси таркиби носҳои брендҳои гуногуни Тоҷикистон дар Амрико ва Русия муайян кард, ки нос аз сигор 10 маротиба бештар маводи кимёвии зараровару заҳролуд дорад”.

Ҷаъфаров гуфт, металҳое, ки дар таркиби нос дарёфт шуданд, ба касалии саратон оварда мерасонад: “Металлҳои вазнине, ки дар таркиби носанд, аз ҷумла малибден, сурб, ишқорҳо ва ғайра, пардаи луобии даҳонро вайрон мекунанду ба бемориҳои саратон ва захми меъда оварда мерасонанд”.

Нос дар минтақаҳои куҳии Тоҷикистон аксаран бо истифодаи хокистари дарахти арча ва дар шаҳрҳо бо оҳак ва ё хокистари поруи паррандагон тайёр мешавад.

Тибқи омори Ташкилоти умумиҷаҳонии тандурустӣ 8,7 % мардони аз 15 то 59 солаи Тоҷикистон тамоку мекашанд. Мақомоти Тоҷикистон мегӯянд, қариб 40%-и мардон ва 3%-и занҳо дар деҳоти кишвар нос мекашанд ва сабаби асосии майли зиёд ба ин маводи заҳролуд арзонӣ ва дастрасии он арзёбӣ мешавад.

Мӯҳр

Хабарҳои монанд:

Darvesh

ozodagon hamara jazir nakunen!!! Nos asosan az pusti safedor sokhta meshavad!!!!!!!!!!!

Ҷавоб диҳед Иқтибос Шикоят

мухочири носкаш

Шаф шаф накунеду гуед ки носкаширам бо ичозати хукумат
Мекунем патен кардан даркор! Нархи патенро сраза гап занед
Аз ягон чи сер накардед шояд аз пули нос сер кунед))

Ҷавоб диҳед Иқтибос Шикоят

Зоиршо

Носкашй ин шармандагии миллати бузурги точик аст, ки ягон идораи давлатй,ба хусус вазорати тандурустй ба манъи он ва ё конунй ва безарар гардонидани он машгул намешаванд. Ягона чизе ки мехохам "Озодагон" онро интишор диханд, байти машхури шоири мардумй Сайдалй Вализода аст: Хама нопокихоро нос карда, Дахонро мисли .ун ифлос карда!

Ҷавоб диҳед Иқтибос Шикоят

Зоиршо,

Одами носи,
Бандаи асоси,
Одами бенос,
Бандаи беасос.

Ҷавоб диҳед Иқтибос Шикоят

Доктор

Дар шариат ва аз назари дини Ислом нос маводи харом эьлон шудааст ва ба саломатии одамизод сахт зарар дорад. Ба касалии саратони чигар ва меьда оварда мерасонад.

Ҷавоб диҳед Иқтибос Шикоят

Доктор,

Фарк надорад носкаш хасти е не, хама вакту соаташ омад мурда меравад.

Ҷавоб диҳед Иқтибос Шикоят

Эзоҳ илова кунед