01 июн 2016 10:49Тоҷикистон / Иқтисодӣ / Дидгоҳи хос

Усули нави фурӯши моликияти давлат: Боз баргардон...

Маҷлиси намояндагони Тоҷикистон имрӯз, 1-уми июн ба қонун “Дар бораи хусусигардонии моликияти давлатӣ” тағйирот ворид намуд, ки бар асоси он давлат метавонад иншооти инфрасохторияшро муваққатан ба бахши хусусӣ фурӯшад.

Қодири Қосим, раиси Кумитаи сармоягузорӣ ва идораи амволи давлатӣ зимни муаррифии лоиҳа гуфт, давлат ҳақ пайдо мекунад, ки биною иншооти инфрасохториро ба бахши хусусӣ диҳанд: "“Тибқи ин лоиҳа биноҳои инфрасохторӣ ва хизматрасониҳои иҷтимоиро, ки таҳти идораи давлат қарор доранд, метавон ба муҳлати муайян ба шарики хусусӣ дод. Шарики хусусӣ бо истифода аз маблағҳои худӣ ё дигар, объектро таҷдид, таъмир ё муҷаҳҳаз мегардонад. Дар муҳлати муайянкардаи созишномаи шарикӣ иншоотро истифода бурда, маблағҳои сарфнамудаашро бо фоида мегирад ва пас аз анҷоми муҳлати созишнома биноро ба давлат бармегардонад”.

Раиси Кумитаи сармоягузоӣ ҳадафи тағйиротро ҳамкории бештари давлат ва бахши хусусӣ гуфта, таъкид намуд, ки бо усули нав бештар биною иншооти инфрасохторӣ ба бахши хусусӣ дода хоҳанд шуд.

Қодири Қосим дақиқ накард, кадом биноҳои инфрасохториро дар назар дорад, аммо “Википедиа” дар феҳрасти иншооти инфрасохторӣ, иншооти марбут ба нақлиёт, таъминоти нерӯи барқ, газ, об, иншооти соҳаи фарҳанг маориф ва тандурустиро зикр кардааст.

Мӯҳр

Хабарҳои монанд:

Сухроб

Хамкории давлату бахши хусуси.....Дурусттараш кадом гови давлатие, ки шир медихад ба бахши "хусуси" фурухта мешавад, ва ба'ди гирифтани харочоту фоида бахши "хусуси" метавонад ин моликиятро ба давлат баргардонад...е нагардонад..

Ҷавоб диҳед Иқтибос Шикоят

НАРГИС

Ин тачрибаи нав нест, зеро ширкати "Помирэнерчи" хамчун моликияти давлат дар муддати 25 сол дар асоси шартномаи консесиони ба як ширкати байналмиллали дода шуд ва имруз фаъолияти хуб дорад. вале хангоми ба имзо расонидани созишнома бояд ба хакки пардохти имстифодаи неруи барк бояд чиддитар диккат дода мешуд зеро истифодаи кувваи барк танхо бо асъори хоричи яъне доллари ИМА хисоб мешавад ин холат ба бучаи мардуми Бадахшон таъсири манфи дода истодааст. Пешниход дорам ин масъалахо хангоми шартномабанди ба инобат гирифта шаванд то барои мардум гарон нагалтад.

Ҷавоб диҳед Иқтибос Шикоят

ба фикрам ягон сохибкор ба ин гуна хусусигардони рози нахохад шуд, ба чуз агар мухлати истифодабарии иншоот аз 49 сол зиёд набошад.Зеро танхо бо бастани шартномахои дарозмуддат метавон аз истифодабарии иншоотхои истифоданашаванда фоида ба даст овард.

Ҷавоб диҳед Иқтибос Шикоят

зарина

ман рафта будам ин кумита, чак-чакхои пайса вазбини бад гуфтанд, зурам нарасид.
дар и кризис 100 хазор бакс барои гирифтани дуои масьулони приватизация аз кучост?
инсоф кани акочонхо? инсоф???

Ҷавоб диҳед Иқтибос Шикоят

Эзоҳ илова кунед