31 май 2016 17:09Тоҷикистон / Иқтисодӣ / Тема дня

Пажӯҳиш: 54 ҳазору 100 тоҷикистонӣ дар ҳоли ғуломиянд

Тоҷикистон дар раддабандии ҷаҳонии сатҳи ғуломдорӣ - “Global Slavery Index 2016” миёни 167 кишвар дар мақоми 19-ум қарор гирифтааст.

Ин раддабандӣ, аз сӯи Созмони австралиягии ҳомии ҳуқуқ “Walk Free Foundation” омода шуда, сатҳи ғуломдорӣ дар беш аз 167 кишвари дунё таҳлил шудааст.

Бар асоси гузориши “Global Slavery Index 2016” Тоҷикистон 8 миллиону 482 ҳазор аҳолӣ дорад, ки аз ин 54,1 ҳазор нафараш ғуломвор умр ба сар мебаранд. Соли 2013 ин нишондод ба 23 ҳазору 802 нафар баробар буд.

Миёни кишварҳои Осиёи Марказӣ Узбакистон зинаи аз ҳама аввалро соҳиб аст, ки 1 миллиону 236 ҳазор аҳолияш дар ҳоли ғуломӣ умр ба сар мебаранд ва дар умум миёни кишварҳои ҷаҳон баъд аз Кореяи Шимолӣ дар ҷойи дуюм меистад. Тибқи ин пажуҳиш дар Қазоқистон 81,6 ҳазор, Қирғизистон 27,7 ҳазор ва дар Туркманистон 15,8 ҳазор нафар дар шароити ғуломӣ зиндагӣ мекунанд.

Теъдоди умумии аҳолии ҷаҳон, ки дар шароити ғуломӣ умр ба сар мебаранд 45,8 миллион нафар арзёбӣ шудааст, ки ин нишондод нисбат ба соли 2014 28 фисад афзудааст. Дар раддабандӣ оид ба ғуломдорӣ дар ҷаҳон номи Кореяи Шимолӣ, Узбакистон, Камбоҷа, Ҳиндустон ва Қатар дар сархат қарор гирифтаанд.

Гузоришгарон Люксембург, Ирландия, Норвегия, Дания, Швейтсария, Австрия, Шветсия, Белгия, Иёлоти Муттаҳидаи Амрико, Канада, Австралия, Зеландияи Навро аз кишварҳои мубориз бо ғуломӣ арзёбӣ кардаанд, ки иқтисоди рушдкарда ва сиёсати устувор дар ин самт доранд.

Мӯҳр

Хабарҳои монанд:

Кухистони

Хайрияте. Точикистони мо низ ачойхои поёнтарин аз яксаду чандум як бор дар чои 19-ум мебаромадааст. Мешудааст ку. Э якчахон ташакур, ки бо сиёсати хирадмандонаи Призеденти кишвар. кахрамони милат, чаноби оли, пешвои милат, президенти точикони дунё ва хоказо, мана мо ба зинаи 19-ум баромадем. Хе кадаша занаду хамеша призидент бошанд

Ҷавоб диҳед Иқтибос Шикоят

Tojik

Шукр кардан лозим аст тинчиву амонии сарзамини Ватани азизамон аз ина баъд нашавад. Дар хама кишвари чахон гуломдори хаст. Мехнат куни Худо хохад бехбуди мешавад.

Ҷавоб диҳед Иқтибос Шикоят

Tojik

ХЕЧ ГАП НЕ ШУКРОНА КУНЕН ХА ХА ХА

Ҷавоб диҳед Иқтибос Шикоят

Эзоҳ илова кунед