19 май 2016 15:24Тоҷикистон / Иҷтимоӣ

Изҳороти адвокатҳо барои кӯмак ба ҷабрдидаҳои ҷашни Ҳолӣ

Эътилофи созмонҳои зидди шиканҷаи Тоҷикистон эълон кардааст, ки омодааст барои иштирокдорони ҷабрдидаи ҷашни Ҳолӣ кӯмак кунад.

Ҷобир Юлдошев, масъули Эътилофи зидди шиканҷа имрӯз, 19 май дар суҳбат ба “Озодагон” гуфт, ки ташкилоти онҳо имкон дорад ба ин гуруҳи ҷабрдида аз дасти милиса маслиҳатҳои ҳуқуқӣ диҳад: “Омодаем онҳоро бо вакили дифоъ таъмин кунем ва ҳамаи хизматрасониҳоямон ройгон мебошанд”.

Юлдошев афзуд, нафароне, ки дар ШКД-и Исмоили Сомонӣ мавриди таҳқир ё латту кӯб қарор гирифтаанд, метавонанд ба рақамҳои тариқи рақамҳои 987087676 занг зананд.

Дилрабо Самадова, узви дигари эътилоф низ эълон кардааст, ки аъзои эътилоф омодаи кӯмак ба ҷабрдидагонанд: “Корафтодаҳо метавонанд, тариқи рақамҳои 987876666, 987087676 дар тамос шаванд”.

Ахиран, дар шабакаҳои иҷтимоӣ як навори аудиоии 16 дақиқаӣ нашр шуд, ки ба иттилои ноширонаш дар он лаҳзаи латту кӯб ва дашномдиҳии иштирокдорони ҷашни Ҳолӣ дар идораи милисаи ноҳияи Исмоили Сомонӣ сабт шудааст.

Намояндагони Эътилофи созмонҳои зидди шиканҷа дар пайи омӯзиши ин навор изҳор медоранд, ки маъмурини милиса тайи 16 дақиқаи сабт беш 25 бор боздоштшудаҳоро зада, дар навор садои 7 маъмур шунида мешавад.

Ин дар ҳолест, ки баргузоркунандаҳои ҷашни Ҳолӣ дар Душанбе ба "Озодагон" изҳор доштанд, ки ин ҷашнро дар мувофиқа бо мақомоти корҳои дохилӣ дар варзишгоҳи “Спартак”-и Вазорати корҳои дохилӣ гузарондаанд. Мусоҳиби “Озодагон” гуфт, бархе аз ҷавонон, аз ҷумла ноболиғон танҳо барои он боздошт шудаанд, ки баъди ҷашни Ҳолӣ бо дасту рӯи ношуста ба хонаҳояшон раҳсипор шудаанд.

Мӯҳр

Хабарҳои монанд:

Шохруххон аз Индия

Холи-поли чи даркор? Ин духтаракои беакли таклидкора чхичи нагуй, иди бутпарастора чори мекунанд. Хубшон кардай милиса, офарин!

Ҷавоб диҳед Иқтибос Шикоят

ба шохрух хон

Дин бояд озод бошад,милиса хак надорад шахрванди точикистонро зери шиканчаву озор карор бидихад , ту ба будпарасти хиндухо тамасхур мекуни,вале мардумро мачбур мекунед Ким кадом шахсиятро бипарастанду ба номи у касам йод кунананд ки ин хам ба хамон будпарасти мегуфтагият шабохат медихад .

Ҷавоб диҳед Иқтибос Шикоят

хонанда

Бисёр кори бад кардаанд. Дар Хиндустон худуди чанд миллион мусалмон зиндаги мекунад. Аммо ягоне аз хиндухо мусалмонхоро дар рузи чашни Иди Курбону иди Рамазон лагадкуб намекунанд. Ин чи гап аст? Магар демократия хамин аст?!!!
Албатта мусалмон вазифадор аст, ки касеро ба дини хеш даъват кунад, аммо на бо рохи зури.
Ривояте хаст, ки замоне ба хонаи хазраи Муссо алайхи салом мачусие мехмон мегардад. Вакте Мусо(А) мачуси буданашро мефахмад, аз у талаб мекунад, ки то мусалмон нашавад барояш нон нахохад дод. Мачуси бармехезад ва аз хонаи пайгомбар берун меояд. Аз Худованд нидо меояд:
Ё Муссо ту ба чи хакке бандаи маро дилозурда намуда, гурусна аз хонаат берунаш намуди. Ман уро 40 сол боз ризк медихам, аммо то хануз нагуфтаамт, ки ба дини хак даро. Ту бандаи ан, пайгомбари ман шуда, чи тавр тавонисти, ки уро бенасиб гардони.
Хазрати Мусо (а) хатогии худро фахмида, аз паси мучуси медавад ва зорааш мекунад, ки бозпас ба хонааш ояд. Мачуси мутахайир гардида мегуяд:
Охир магар ту хамоне набуди, ки маро аз дарат барои ба динни ту нагаравиданам ронди?
Муссо(А) мегуяд:
- Лутфан маро бубахш ва бозпас ба хонаам биё чун агар ту маро набахши Худовандам аз ман руй метобад...
Чанобони пулис онхо кудак хастанд, ноболиганд. Мо забони хеле зебо дорем. Мо бояд тарбиятгари насли наврас бошем, аммо Шумо бо ин амалатон кадом "намуна"-ро нишон медихед?! Боз ин хам дар холест. ки дар тамоми гушаю канори шахр табелхои хамкори бо милиса задааст! Аз боиси як ду гови.... я пода ифлос мешавад мегуянд, рост. Дар сохаи милисаи кишвар содикону сарсупурдагони кори хеш зиёдагнд аммо ин амали шумо эътикоди мардумро нисбат ба ченин одамони халолкор мегардонад!

Ҷавоб диҳед Иқтибос Шикоят

Эзоҳ илова кунед