17 май 2016 10:36Тоҷикистон / Сиёсат

Шабакаи аввал расман ТВ Тоҷикистон шуд

Шабакаи аввали телевизиони Тоҷикистон ба ТВ Тоҷикистон тағйири ном кардааст.

Суҳроб Рауфзода, директори Телевизиони Тоҷикистон имрӯз, 17 май дар суҳбат ба “Озодагон” гуфт, тағйири номи шабака дар асоси қарори ҳукумати ҷумҳурӣ аз 20 апрел сурат гирифтааст.

Ба “Тоҷикистон” иваз кардани “Шабакаи аввал” пешниҳоди раисиҷумҳур буд. Ин пешниҳод аз сӯи Эмомалӣ Раҳмон 1 марти 2016 дар мулоқот бо кормандони ВАО дар расми ифтитоҳи шабакаҳои “Варзиш”-у “Синамо” ва Академияи ВАО садо дод.

Суҳроб Рауфзода, директори Телевизиони Тоҷикистон мегӯяд, тағйри номи шабака ба беҳтар шудани сифати барномаҳо ҳам сабаб мешавад: “Иваз шудани номи шабака водор месозад, ки гуруҳҳои эҷодӣ дар таҳия ва инъикоси ҳаёт ва воқеаҳои Тоҷикистон масъулияти бештар дошта бошанд. Ин масъулияти хело бузург аст, вақте роҳбарияти давлат ба телевизион ва номи он таваҷҷуҳ зоҳир мекунанд”.

Мӯҳр

Хабарҳои монанд:

Puk

Ин чи маймун бози як сол шабакаи аввал як сол тв точикистон мухим ин нест, барномахои пурмаьни ташкил кардан даркор консерту кино нишон додан бас аст.

Ҷавоб диҳед Иқтибос Шикоят

Хатлони

Ин хубу аммо шумо кай мушкили мардуми дар хорича бударо хал мекунед... ? 1 мох шуд ягон ТВ-и шуморо тамошо карда наметонем... ба мегуед ки чавоно дар хорича ба хизбу харакатхои бегон пайваст мешаванд... агар ки шумо 1 ТВ -ро ба воситаи иннет намош дода натавонед чи кор мекунед дар курсихои ба рохат ЧТ... Хуб мешуд ба чои таьрифу тавсифи президент коратонро дуруст анчом медодед... Ин худ як хизмати бузург дар хаки миллату президент мешуд...

Ҷавоб диҳед Иқтибос Шикоят

Муҳибулло

Ин ҷо ғалат шудааст, зеро дар мавриди тағйири ном ҳанӯз устод Муҳибулло Қурбон пешниҳод карда буд ва тариқи "Нигоҳ" ҳам чоп шуда буд.

Ҷавоб диҳед Иқтибос Шикоят

Эзоҳ илова кунед