“Разбор”-и маргбор: Аз дахолати Э.Раҳмон то эълони номи саркарда (ВИДЕО)
Тавре расонаҳои Русия аз қавли пулиси ин кишвар хабар додаанд, Лечий Яҳёев, соли таваллудаш 1974 қайди вилояти Астраханро доштааст.
Ифшои номи саркардаи муноқишаи мусаллаҳонаи қабристони Хованское дар ҳолест, ки зимни он се сокини шаҳри Роғун - Хушаков Суҳроб Таваралиевич соли таваллудаш 1990, Ризоев Иноят Қаноатович соли таваллудаш 1977 ва Собиров Сайнуриддин Нозилович соли таваллудаш 1974 кушта шуда, ҳудуди 10 тоҷики дигар ҷароҳат бардоштаанд. Ба иттилои мақомоти Русия задухӯрд дар қабристони Хованское миёни муштзӯрҳои мусаллаҳи Чеченистону Доғистон ва коргарони тоҷики қабристон рух додааст. Гуфта мешавад, ки гуруҳи қафқозиҳои бо ҳамроҳии шаҳрвандони дигари Русия аз муҳоҷирони тоҷик, ки дар қабристон кор мекунанд, “ҳақпулӣ” талаб кардаанд.
Эмомалӣ Раҳмон, раисиҷумҳури Тоҷикистон низ ба ин қазия дахолат карда, ба Рамазон Раҳимзода, вазири умури дохилӣ дастур додааст, то таҳқиқи қазияро пайгирӣ кунад. Тибқи иттилои Вазорати умури дохилӣ бо супориши Эмомалӣ Раҳмон Раҳимзода бо Владимир Колоколтсев, ҳамтои русиягияш ду бор дар тамос шуда, масъалаи таҳқиқи мунсифона ва муҷозоти гунаҳкоронро ба миён гузоштааст: “Ҷонибҳо созиш кардаанд ва бо дастури Колоколстсев Абдуғаффор Азизов, раҳбари намояндагии ВКД ва ва Хадамоти махсуси Тоҷикистон дар Русия ба гуруҳи тафтишотӣ шомил шудааст”.
Муноқишаи мазкур имрӯз, 16 май дар Шӯрои Маҷлиси Намояндагони Тоҷикисон низ баррасӣ шуда, Шукурҷон Зуҳуров, раиси Маҷлиси намояндагон гуфтааст, ки қазияи мазкурро зери назари худ гирифтааст.
Мақомоти Русия мегӯянд, то ҳол 112 нафарро боздошт кардаанд, ки нисфе аз ин теъдод зодаи кишварҳои Осиёи Миёнаанд ва онҳоро ихроҷ аз қаламрави Русия таҳдид мекунад. Юрий Чугуев, раиси қабристони Хованское, ки тибқи иттилои "РИА Новости" барои кори бидуни иҷозатнома аз муҳоҷирин то 40 ҳазор рубл мегирифтаааст, аз мақомаш барканор гардидааст.
Дар ҳоле, ки тоҷикон дар қазияи мазкур ҷабрдидаанд, Евгений Серебренников, сенатори Шӯрои федералӣ, палатаи болоии парлумони Русия дар пайи ин қазия масъалаи ҷорӣ намудани низоми раводид бо Тоҷикистонро дар миён гузоштааст. Ин сенатори рус гуфтааст: “Қонунгузории муҳоҷиратро тоза ва сангин кардан лозим аст. Мо ҳангоми қабули қонун ба таҷрибаи кишварҳои демократӣ такя мекунем, ки ин дар баъзе ҳолатҳо дуруст нест. Амнияти кишвар муҳимтар аст”. Игор Лебедев, вакили Думаи давлатӣ ва писари Владимир Жириновский, раиси Ҳизби либерал демократҳои Русия низ дар пайи қазия бастани марзҳо ба рӯи муҳоҷирони меҳнатӣ аз Осиёи Марказиро пешниҳод намудааст.
Видеои муноқишаи Хованское
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
