13 май 2016 14:50Тоҷикистон / Дин ва зиндагӣ

Муфтӣ: Худо бо офатҳои табиӣ мардумро месанҷад

Саидмукаррам Абдулқодирзода, раиси Шӯрои уламои Маркази исломии Тоҷикистон офатҳои табиии ахирро, ки макону манзилҳои зиёдро хароб кард, имтиҳони Худованд номид.

Абдулқодирзода имрӯз, 13 май зимни мавъизаи намози Ҷумъа дар Масҷиди Марказӣ гуфт, шаҳрвандон бояд нисбати ҳодисаҳои табиии харобиовар дар Рӯдакӣ ва дигар навоҳӣ бетараф набошанд.

Муфтии Тоҷикистон хароб шудани манзили беш аз 1000 оиларо дар Рӯдакӣ зикр карда, таъкид намуд, ки Худованд ба хотири имтиҳони бандагонаш, ятимеро меофарад: “Худованд чунин офатҳоро болои мардум меорад, ҷомеаву миллату мардумро месанҷад, ки то чӣ андоза раҳму шафқат доранд, дасти кӯмак дароз мекунанд ё намекунанд. Дар як хонадон маъюб ба дунё меорад ва бо он қавм, падару модар, хешу ақрабо, маҳалларо имтиҳон мекунад, ки оё раҳму шафқат доранд ё на? Оё дилашон месузад? Ин ҳама имтиҳон аст”.

Оқои Абдулқодирзода гуфт, раёсати Маркази исломӣ ва масҷиди марказӣ тасмим гирифтаанд, ки аз номи намозгузорони саҳми худро ба қадри тавон дар бартарафсозии оқибатҳои офатҳои табиӣ расонанд. Ӯ аз намозгузорон даъват ба амал овад, ки барои зарардидагони сел дар ноҳияи Рӯдакӣ ба ҳадди имкон хайр намоянд: “Касе мехоҳад дар сандуқи хайрия, касе мехоҳад дар назди шахси махсуси масъул ба қайд гирад ва санад ҳам дода мешавад, ки фалонӣ ҳамин қадар барои осебдидагон кӯмак кард. Ҷамъоварии кӯмак имрӯз ва фардо идома мекунад”.

Мӯҳр

Хабарҳои монанд:

Рустам

Бале, ин имтихони он аст, ки мардумро аз намозу ришу сатру хичоб манъ кардед. Худо гуед, ки аз ин бадтар накунад. Масчидхоро кушоед, ба ришу сатр кордор нашавед,

Ҷавоб диҳед Иқтибос Шикоят

Умар

бале имтихон ва газаби Худованд аст бас кунед мардуми мусалмонро бо тухматхо пушти панчара карданро

Ҷавоб диҳед Иқтибос Шикоят

nabi farhor

Хама медонанд,ки кай дар кучо дасти хайр дароз кунанд.Мо шохиди он хастем,ки тобистони гузашта низ ВМКБадахшонро сел шуста бд.Чи кор кардан даркор,сари рохи сатру риш нашавему,Худоро шукр гуфта намозакомана хонем.Кани мебинем,муфти чи кадар хайрхох аст,чи кадар маблаг дастгири мекунад.

Ҷавоб диҳед Иқтибос Шикоят

Пари

Бечора мардуми тоҷик! Ҳамаи бадбахтиҳо ба сари ин мардум. Кай табиату осмон шуморо месанҷида бошанд???????????

Ҷавоб диҳед Иқтибос Шикоят

Одил

Суду пркурор салафихои "бегунох"-ро махкам кунанад, пас чаро Худо зулмро сари мардуми бегунохи Рудаки меовардаст. Агар ба ин сафтсата бовар кунем пас Худо ноодилона рафтор мекардааст.

Ҷавоб диҳед Иқтибос Шикоят

Донёр

Абр агар аз кибла хезад борон мешавад.
Шох агар одил набошад мулк вайрон мешавад.
Хулосаи ин хама офатхои табии ба ду чумла шеър.

Ҷавоб диҳед Иқтибос Шикоят

Dev

Yak umr koramon imtihonsupori, shumo hude,ki az imtihonho guzashtagi metobed!

Ҷавоб диҳед Иқтибос Шикоят

Эзоҳ илова кунед