11 май 2016 15:04Тоҷикистон / Фарҳангу адаб / Рӯ ба рӯ / Видео / Тема дня

Баҳроми Ғафурӣ: Ин бор барои бозхонии беиҷозаи сурудам шикоят мебарам (ВИДЕО)

Баҳроми Ғафурӣ, сарояндаи маъруфи попи тоҷик мегӯяд, барои бидуни иҷоза бозхонӣ шудани сурудаш шикоят хоҳад кард.

Ахиран, клипи таронаи “Ишқи ман”-и Баҳром дар пешниҳоди Фавод Улфат ва Тараннум Саид, хонандаҳои афғон ба интернет роҳ ёфт. Баҳром Ғафурӣ имрӯз, 11 май дар суҳбат ба “Озодагон” гуфт, аз он ки таронаҳояшро хонандаҳои берун аз марзи Тоҷикистон бозхонӣ мекунанд, хурсанд аст, аммо ӯро бидуни иҷоза ва ҳатто ишора накардан ба муаллифи аслии суруд нигарон кардааст: “Барои суруди як ҳунармандро сароидан бояд аз муаллиф иҷоза гирифт. Аммо онҳо на танҳо напурсиданд, балки дар клип навиштаанд, ки оҳанги суруд аз Иршод Имон. Дар ҳоле ки оҳанги сурудро ман навиштаам”.

Ӯ гуфт, ҳоло қасд дорад, аз ин ду овозхон шикоят бубарад. Таронаи “Ишқи ман”-ро бори нахуст Баҳром ҳамроҳ бо Шабнами Сурайё соли 2007 дар маҳфиле ба хотири ёдбуди Муқаддас Набиева иҷро карда буд.

Клипи таронаи "Ишқи ман" дар иҷрои хонандаҳои афғон. Ин клип охирҳои моҳи феврали соли равон дар Ютуб гузошта шудааст ва то замони нашри хабар он 75 949 маротиба тамошо шудааст.

Клипи таронаи "Ишқи ман" (Ту нагу) дар иҷрои Баҳром ва Шабнам

Ин бори нахуст нест, ки Баҳром аз беиҷоза бозхонӣ шудани сурудҳояш аз сӯи сарояндаҳои афғон хабар медиҳад. Дар гузашта Валӣ ду суруди ӯ -- “Дар ин замона” ва “Духтари ҳамсоя бало”-ро копӣ карда буд. Беҳрӯз Зеваров, продюсери Баҳром он вақт гуфта буд, барои ин кор ба “VSP Group”, ки аз ҳуқуқи муаллифии тамоми овозхонҳои ҷаҳон ҳимоят мекунад, шикоят хоҳанд бурд, аммо ин баҳс бо узрхоҳии Валӣ дар сафҳаи фейсбукаш хотима ёфт. Валӣ навишта буд: “Мутаассифона дар клипи “Духтари ҳамсоя бало”, ки ман бозхонӣ кардаам, саҳве роҳ ёфтааст, ки ба ман гӯшрас карданд. Матни ин суруд аз ҷониби Баҳром Ғафурӣ навишта шудааст ва ман онро тағйиру такмил дода ва баъд бозхонӣ кардам”.

Ӯ дар зикр нашудани номи Баҳром Ғафурӣ дар клипи "Духтари ҳамсоя бало" студияи “Avang Music”-ро муттаҳам кардааст: “Ман барои ин саҳв мехоҳам аз дӯстам узр пурсам. Ин ҷо ягон хел беэҳтиромӣ нисбати ӯ нест ва ман муътақидам, Баҳром Ғафурӣ инро медонад.”

Мӯҳр

Хабарҳои монанд:

Саъди

Акаи Бахром даркор нест шикоят. Ин ифтихори миллати Точикистон аст, ки суруди Шуморо мехонанд. Умуман мо ифтихор мекунем бо Шумо Бахроми Гафури.

Ҷавоб диҳед Иқтибос Шикоят

Darvesh

Hama surudhoi berunaroo khudut mekhoni yagon saroyanda hej chi naguft baroi hami obrui khudro NAREZ!!!!!!

Ҷавоб диҳед Иқтибос Шикоят

акмал

хамин судора ман точик шуда намедонам авгонода кучош маъкул шудай.Ин бахрома оханг созеш хубу шеър нисеш безебай.Шеъра нависа шоир навмса .Бе фонграма овозаш мебаромада боша.Ба фикрум як октава овозша коргардони овоз якмох рост мекуна.

Ҷавоб диҳед Иқтибос Шикоят

Точик

Хамаи сурудхотон аз Афгонхост.Як сурудатонро хонданд хеч гап не.Сурудро аз ту бехтар хондааст.Туро факат Точикон каме мешиносанд.Ин суруд аз ту нест чаро дуруг мегуи Бахром.Ин харфро агар Садридин ё Шабнам мегуфт мезебид.

Ҷавоб диҳед Иқтибос Шикоят

Музикант

Баҳром худ нисфи оҳанги ин сурдашро аз Мустафо Сандали турк бидуни ишора ба муаллифаш бардоштаву истифода карда буд....

Ҷавоб диҳед Иқтибос Шикоят

Борикбин

Ҳамин суруде, ки Баҳром ва Шабнам хондааст, агар ба диққат тамошо кунед, дар дақиқаи 2:25 бибинед, чи гуна обруи санъати тоҷикро паст кардаанд, Бахусус Шабнамгул, бале бале дуруст мегуям -"пасту ба замин задаанд"

Ҷавоб диҳед Иқтибос Шикоят

шахрванд

Ман хайронам дар ситоахои имрузаи точик инора кучошон ба ситора монанд бошад намедонам пойафзола мардхояшон бе наски чинса бо галтук мепушан ситоахои модашон бошанд дар акл рост намеоянд либоспушишон инхо як умр суруд медузданду боз забонашон дароз хамин суруда решаша кобем ё афгони аст ё эони акаи мухтарами даъвогар!

Ҷавоб диҳед Иқтибос Шикоят

жора

Илохо рухи Муборакшохро шод бигардон ,

Ҷавоб диҳед Иқтибос Шикоят

Эзоҳ илова кунед