30 апр 2016 09:04Тоҷикистон / Иҷтимоӣ

Шикояти табибони Саричашма аз кӯч додани шӯъбаи кадрҳо

Гуруҳе аз табибони беморхонаи №1-и деҳаи Саричашмаи ноҳияи Шамсиддин Шоҳин (Шӯроободи собиқ)-ро ба маркази ноҳия кӯчонидани бахши кадрҳо нигарон кардааст.

Чанде аз ин табибон 29 апрел ба “Озодагон” гуфтанд, дар гузашта бахши кадрҳо дар худи беморхона буд ва пешниҳоди аризаву дигар санадҳои лозим мушкиле пеш намеовард. Ба иддаои онҳо, ҳоло барои расонидани як ариза маҷбуранд, наздики 50 километр роҳро тай намуда, онро ба шӯъбаи кадрҳо супоранд. Ҳамсуҳбатҳои мо, ки дархост намуданд, номашон ифшо нашавад, гуфтанд, барои аз деҳаи Саричашма то маркази ноҳия рафтан ҳудуди 40-50 сомонӣ сарф мешавад. “Агар рафту дар ягон масъала ба номи сардухтури беморхонаи марказии ноҳия арзиа навиштан лозим шавад, бояд ҳамин қадар роҳи дурро тай намоем. Мабодо шаб дар маркази ноҳия монем, аз 100 сомонӣ ҳам зиёдтар маблағ сарф мешавад. Бо маоше, ки мегирем чунин харҷҳо зарбаи сахт ба ҷайби табибон мезанад. Ҳайронем, ки чаро табибонро ин қадар саргардон мекунанд?”,-изҳор доштанд онҳо.

Нуриниссо Мирова, сардухтури беморхонаи №1-и Саричашма дар суҳбат ба “Озодагон” тасдиқ кард, ки бахши кадрҳоро ба марказ кӯчонидаанд, вале иддаои табибонро рад намуд. Ӯ гуфт, ҳамеша омода аст, аризаи табибонро ҳар вақте лозим шуд ба марказ бубурад: “То ҳол чунин мушкиле, ки табибон мегӯянд, нашудааст, чунки аризаро на табибон, балки ман ва як нафари масъул мебарем”.

Мӯҳр

Хабарҳои монанд:

Клби

Дуруг 1000 сомони сарф намешавад

Ҷавоб диҳед Иқтибос Шикоят

Сагера Аз интернат

Ин кори хамон сардухтури пештараатон аст. Дар хакикат имруз Саричашмаи ман як дехаи дурдасти бе рох аст. Наход дехаи бо 14 хазор ахоли рохе барои рафтан ба маркази нохия надошта бошад. Рост аст, ки мо 50-60 кмро тай карда 50-60 сомон харч карда ба маркази нохия меравем. Холу ахволи омузгорон аз шумо дида бадтар аст хамдехагони азиз. Кучост нангу номуси дехадори рахбарони дехаи Саричашма. Агар мо имруз барои хамон аризаву билети харби ё мачлиси директорон наравем дигар у маркази нохия барои мо чи даркор аст. На беморхона дораду ягон корхона, на бозору на дигар чиз. Хамааш дар назидики дехаи худамон дар Кулобу Восеъ мавчуд аст. Зик нашавед хамдехагон инхо гузурандааст. Пулхое,ки барои таъмири роххои дехаамон чудо шудаанд барои рохои дехахои дохилии марказ сарф мешаванд. Касе аз масулин барои таъмири роххои мо фикр хам намекунад. Озодагон дарди дили Сагерахои Интерната чоп кун!

Ҷавоб диҳед Иқтибос Шикоят

Эзоҳ илова кунед