27 апр 2016 08:35Тоҷикистон / Сиёсат

Сафари Эмомалӣ Раҳмон аз Норак бо буридани лентаи рамзии мактаби №10 шурӯъ гардид

Эмомалӣ Раҳмон, раисиҷумҳури Тоҷикистон субҳи имрӯз, 27 апрел бо як сафари корӣ ба шаҳри Нораки вилояти Хатлон рафтааст.

Дафтари матбуоти Президент мегӯяд, ин сафар бо буридани лентаи рамзии Муассисаи таҳсилоти миёнаи умумии №10 дар деҳаи Чашмаи ҷамоати деҳоти Дӯконӣ оғоз шудааст. Ба иттилои манбаъ, мактаб бо харҷи 2 миллион сомонӣ аз ҷониби соҳибкори маҳаллӣ Муҳиддин Табаров бунёд гардида аз ду ошёна ва 14 синфхонаи таълимӣ иборат аст: “Дар ин муассисаи таълимии навбунёд 240 нафар толибилм дар як баст ба таълим фаро гирифта шуда синфхонаҳои барҳавои омӯзиши забонҳои хориҷӣ, маркази ҳунаромӯзии духтарон, синфхонаи компютерӣ, толори маҷлисгоҳ ва ошхонаи замонавӣ дорад”.

Эмомалӣ Раҳмон аснои шиносоӣ аз сифати корҳои сохтмонӣ ва имконоту шароити таълимии мактаб изҳори қаноатмандӣ намуда, аз амали неки соҳибкор Муҳиддин Табаров барои саҳмгузории фаъол дар раванди бунёдкорию ободонӣ ситоиш кардааст.

Мӯҳр

Хабарҳои монанд:

Мах

мактабро бизнесмен аз пули худаш сохтаст, лекин лентаашро президент мебурад:))

Ҷавоб диҳед Иқтибос Шикоят

Душанбенец.

Наход хаммаи иншоотхоро худи президент кушояд. Холо ба ин манзарахо нигох карда даврахои хукумронии солхои охири Брежнёв ба хотирам меояд. Оё у инро дарк намекунад? Дар ш. Вахдат як фабрикаи дузандагиро ки сохибмулкаш Ёкут буд, кушод. Ин коргох хамон рузи кушодашави кор кард ва баъд то хол кор намекунад. Дар ш. Вахдат як иншоот хам гуем намеарзад, аз уголёку шиша сохтан ба таври дехкони ва цехи сварка номаш мондан дар кишлоки Андигон. У низ хамон руз кор карду тамом. Магар як президенти як давлат барои буридани лентеи як "сарай" ба ончо равад айб нест. Др ин бора халк афсонаю зарбулмасалхои зиёд баровардаанд. Айб аст.О агар реклама кардани бошед рекламмахои арзанда кунед. Озодагон чаро чоп намекунед?

Ҷавоб диҳед Иқтибос Шикоят

Эзоҳ илова кунед