25 апр 2016 12:25Тоҷикистон / Иқтисодӣ / Тема дня

Ифшои “бонк”-и пинҳонӣ дар маҳаллаи 65-и Душанбе

Додситонии кулли Тоҷикистон аз ифшои нуқтаи ғайриқонунии интиқоли асъор дар Душанбе хабар дод, ки ташкилкунандагони он давоми 1,5 моҳ ҳудуди 1 миллион долларро ба Дубай ва баръакс интиқол додаанд.

Тавре аз ин ниҳод ба “Озодагон” иттилоъ доданд, шаҳрвандон Ғаффуров Ё. ва Бекназаров.А. дар мағозаи “Зебо”-и маҳаллаи 65 нуқтаи интиқоли пул ташкил намуда, аз 12 декабри соли 2015 то 21 январи соли 2016 зиёда аз 800 000 доллари ИМА-ро аз шаҳрвандон гирифта, ба шаҳри Дубайи Аморати Муттаҳидаи Араб интиқол додаанд: “Инчунин тавассути ин нуқта зиёда аз 200 000 доллари ИМА аз шаҳри Дубай ба шаҳри Душанбе интиқол ёфтааст, ки дар натиҷа ба давлат зарари моддӣ расонда шудааст”.

Додситонии кулли Тоҷикистон мегӯяд, 26 январи соли равон шаҳрванд Ғаффуров аз сокини шаҳри Душанбе – Мирзоалӣ, 1000 доллари ИМА гирифта, таъкид намудааст, ки маблағи додаашро аз шаҳри Дубай аз Абдулҳамид метавонад дастрас намояд: “Ғаффуров дар ҳамин ҳолат аз тарафи гурӯҳи корӣ дастгир карда шуда, ҳангоми азназаргузаронии ҷойи ҳодиса далелҳои шайъӣ дарёфт карда шудаанд”.

Манбаъ таъкид намуд, ки дар пайи ифшои ин нуқтаи ғайриқонунӣ Ғаффуров ва дигарон барои соҳибкории ғайриқонунӣ, фаъолияти ғайриқонунии бонкӣ ва додугирифти ғайриқонунӣ бо асъори хориҷӣ парвандаи ҷиноӣ боз шуда, баъди анҷоми тафтишот барои баррасӣ ба суд равон шудааст.

Мӯҳр

Хабарҳои монанд:

шахрванд

Озодагони азиз Шумо ин гуна сомона набудед, ки чунин сафсатаро пахш кунед..... “Инчунин тавассути ин нуқта зиёда аз 200 000 доллари ИМА аз шаҳри Дубай ба шаҳри Душанбе интиқол ёфтааст, ки дар натиҷа ба давлат зарари моддӣ расонда шудааст”.

Ҷавоб диҳед Иқтибос Шикоят

Darvesh

....“Инчунин тавассути ин нуқта зиёда аз 200 000 доллари ИМА аз шаҳри Дубай ба шаҳри Душанбе интиқол ёфтааст, ки дар натиҷа ба давлат зарари моддӣ расонда шудааст”.
O bacha vaqto ki DOLLAR ba Tojikiston vorid shud magar in ziyon ast???????????

Ҷавоб диҳед Иқтибос Шикоят

Пурдил

“Инчунин
тавассути ин нуқта зиёда аз 200 000
доллари ИМА аз шаҳри Дубай ба
шаҳри Душанбе интиқол ёфтааст,
ки дар натиҷа ба давлат зарари
моддӣ расонда шудааст”. БА КАДОМ ДАВЛАТ ВОРИДОТИ ПУЛ ЗАРАР ДОРАД АЧАБ БЕАКЛИЕ?! БАЪДАН, БА ДАВЛАТ НЕ БА БИЗНЕСИ НАФАРОНИ АЛОХИДАИ НАЗДИК БА ПРЕЗИДЕНТ, КИ МЕХОХАН ДОЛЛАРОХАМ ТАНХО ХУДАШОН ДОШТА БОШАН "ЗАРАРИ МОДДИ" РАСОНИДААСТ!!!!

Ҷавоб диҳед Иқтибос Шикоят

ас

Инчунин тавассути ин нуқта зиёда аз 200 000 доллари ИМА аз шаҳри Дубай ба шаҳри Душанбе интиқол ёфтааст, ки дар натиҷа ба давлат зарари моддӣ расонда шудааст”. - инхелаша акнун фахмидам

Ҷавоб диҳед Иқтибос Шикоят

Эзоҳ илова кунед