21 апр 2016 10:44Тоҷикистон / Сиёсат / Тема дня

Анҷоми тафтишоти додгоҳии парвандаи наҳзатиҳо: Айбдоркунанда чӣ ҷазо металабад?

Марҳилаи тафтишоти додгоҳии парвандаи аъзои боздоштшудаи Ҳизби мамнӯи наҳзати исломӣ 20-уми апрел ба анҷом расидааст.

Дар ин бора Ҷамшед Ёров, яке аз вакилони дифои аъзои боздоштшудаи ҲНИТ хабар дода, афзуд, ки баромади айбдоркунандаи давлатӣ рӯзи чоршанбе-27-уми апрел дар назар аст. Ёров дар сафҳаи фейсбукияш изҳори умед кардааст, ки “шояд аз айби эълонкардаашон даст кашанд ё онро каме сабук кунанд, чун дар мурофиаи додгоҳӣ ягон айби эълонкарда исботи худро наёфт".

Саидумар Ҳусайнӣ, Муҳаммадалӣ Ҳайит, Абдуқаҳҳори Давлат, Раҳматуллоҳи Раҷаб, Зубайдуллоҳи Розиқ, Муҳаммадалии Файзмуҳаммад, Ҳикматуллоҳ Сайфуллозода, Қиёмиддин Авазов, Зарафо Раҳмонӣ, Маҳмадшариф Набиев, Абдусамад Fайратов, Саттор Каримов ва Воҳидхон Қосидинов баъд аз амалиёт алайҳи генерал Абдуҳалим Назарзода, муовини собиқи вазири мудофиа дар моҳи сентябри соли 2015 боздошт шуданд. Додситонии кулли Тоҷикистон 17 сентябр бо нашри як изҳорот гуфт, ин афрод баъди пурра нобуд кардани аъзои гуруҳи "Ҳоҷӣ Ҳалим" (Абдуҳалим Назарзода) қасди фирор аз кишварро доштаанд: “Дар асоси далелҳои дар рафти тафтишот дастрасшуда, бо мақсади пешгирӣ кардани амалҳои нави террористӣ, ҷалб кардани шаҳрвандон ба содир кардани ҷиноятҳои хусусияти экстремистидошта, созмон додани дастаҳои мусаллаҳи ғайриқонунӣ, инчунин халалдор намудани оромӣ ва амнияти мардуми Тоҷикистон шахсони зикршуда боздошт гардиданд".

Ин ниҳод баъдан эълон кард, алайҳи боздоштшудаҳо бо иттиҳоми терроризм, ташкили иттиҳоди ҷиноятӣ, барангехтани кинаю адовати миллӣ, нажодӣ, маҳалгароӣ ва ё динӣ, ба таври зӯроварӣ ғасб намудани ҳокимият ё бо зӯроварӣ нигоҳ доштани ҳокимият, даъвати оммавӣ барои бо роҳи зӯроварӣ тағйир додани сохти конститутсионӣ, исёни мусаллаҳона ва чанд моддаи дигари Кодекси ҷиноятӣ парванда боз шудааст.

Мӯҳр

Хабарҳои монанд: