«Ҷобири Собир» дар Суғд корхонаи нав месозад

Дар ноҳияи Ғончии вилояти Суғд сохтмони як корхонаи коркарди сангҳои ороишӣ оғоз гардид.

---

Тавре аз маркази матбуотии вазорати энергетика ва саноат ба хабаргузории «Озодагон» иттилоъ доданд, ҳаҷми маблағи масрафшаванда дар бунёди корхона як миллион сомониро ташкил дода, то охири соли ҷорӣ ба фаъолият шурӯъ менамояд: « Феълан 8 нафар коргарон дар ин корхона ба корҳои сохтмони ҳавзҳо, бетонгирии ҷойҳои таҷҳизот ва ғайра машғуланд ва ин пружаро ширкати мавсум ба «Ҷобири Собир» амалӣ хоҳад кард.

Сарчашмаи хабар иттилоъ дод, ки таҷҳизотҳои технологии сохти хитойи то 10-15-уми ноябри ҳамин сол ба корхонаи мазкур оварда мешаванд. Дар марҳилаи аввали сохтмони ин корхона шумораи коргарон ба 55 нафар ва баъди воридоти таҷҳизотҳои коркарди маҳсулотҳои ороишӣ ба 80 нафар расонида хоҳад шуд.

-Корхона дорои иҷозатномаи истихроҷи кони мармари «Навобод»-и Истаравшан буда, бо назардошти наздик будани ин кон, ки боиси кам гардидани арзиши аслии маҳсулот мегардад, ин ҷойро интихоб намудаанд, -афзуд манбаъ.

Мӯҳр