13 апр 2016 09:48Тоҷикистон / Иҷтимоӣ / Тема дня

Сарзаниши Убайдуллоев аз мудири бахши дин ва танзими анъана дар Душанбе

Маҳмадсаид Убайдуллоев, раиси шаҳри Душанбе барои бемасъулиятӣ дар иҷрои вазифаҳои хизматӣ ба Назруллоҳи Муҳаммадюсуф, мудири шуъба оид ба корҳои дин, танзими анъана ва ҷашну маросимҳои миллӣ дар шаҳри Душанбе сарзаниш эълон кардааст.

Тибқи амри Убайдуллоев Назруллоҳои Маҳмадюсуф огоҳонида шудааст, ки дар мавриди такрори чунин муносибат ба иҷрои вазифаҳои хизматӣ нисбаташ то озод намудан аз мансаби ишғолнамудааш чора андешида мешавад.

Убайдуллоев дар амри худ ба мактуби Кумитаи оид ба корҳои дин, танзими анъана ва ҷашну маросимҳои миллии Тоҷикистон такя кардааст, ки аз бемасъулиятӣ ва фаъолияти номуассири масъули бахши Душанбе ва чор навоҳии пойтахт интиқод намудааст. Кумита ва Убайдуллоев аз он изори норозигӣ кардаанд, ки қонуни танзими анъана ва ҷашну маросимҳо дар пойтахт дар сатҳи зарурӣ татбиқ намегарданд.

Интиқоди Убайдуллоев аз иҷро нашудани қонуни танзим дар пойтахт дар ҳолест, ки ӯ қаблан гуфт, дар аксари ҳолатҳо ин қонунро мансабдорон нақз мекунанд: “Мардум инро мебинад ва нафраташон меояд”-афзуда буд Убайдуллоев.

Мӯҳр

Хабарҳои монанд:

Sabrullo

Аҳсан ҷаноби Убайдуллоев

Ҷавоб диҳед Иқтибос Шикоят

мехмон

Дар шахр намедонам чи хели , аммо дар дехот раиси танзим омада як зиёфатро хурда 70-100 сомон мегирад ё ба газета обуна мекунаду меравад. Туйдор чи нагмае мекуни бикун !!! Ё демократия ва танзим барои зиёфату обуна бошад ???

Ҷавоб диҳед Иқтибос Шикоят

Хушбин

Бале мехмон.....дуруст кайд карди +70 100сум боз мефармоянд ки гуштбирен ош гирифта ба идораи ТАНЗИМ мебари..ва чор тарафат кибла намедонам чи лозим бошад хамин танзим??

Ҷавоб диҳед Иқтибос Шикоят

Эзоҳ илова кунед