13 апр 2016 08:07Тоҷикистон / Ҷавонон ва варзиш

Мубин Эргашев худро назди мухлисон "сафед" карда натавонист. “Истиқлол” боз бохт

Тими “Истиқлол”, қаҳрамони чоркаратаи футболи Тоҷикистон аз дастаи “Нафт ал-Васат”-и Ироқ шикаст хӯрд.

Ин бозӣ, ки дар чорчуби даври чоруми сабқати интихобии Ҷоми Конфедератсиони футболи Осиё (AFC)-2016 рӯзи гузашта (12 апрел) дар Варзишгоҳи марказии шаҳри Душанбе баргузор шуд бо ҳисоби 0:1 ба нафъи меҳмонон ба анҷом расид. Акнун “Истиқлол” тамоми шонсҳояшро барои берун шудан аз гуруҳ аз даст дод.

“Истиқлол” дар қувваозмоии даври севуми ин сабқат ҳам, ки дар варзишгоҳи “Пас”-и шаҳри Теҳрон баргузор шуд, аз “Нафт ал-Васат” бо ҳисоби 0:2 шикаст хӯрда буд. Мубин Эргашев, сармураббии “Истиқлол” дар нишасти хабарии қабл аз бозии даври чорум рӯзи 11 апрел дар Душанбе гуфта буд, мехоҳанд барои бохташон дар меҳмонӣ инт иқом бигиранд: “Мо мехоҳем барои бохти худ дар меҳмонӣ интиқом бигирем ва худро дар назди мухлисонамон сафед кунем”.

"Истиқлол" дар сабқати интихобии Ҷоми AFC-2016 ҳамроҳ бо "Нафт ал-Васат"-и Ироқ, "Ал-Файсал"-и Урдун ва "Триполи"-и Лубнон дар гуруҳи "В"-анд ва баъди бозиҳои даври чорум “Нафт ал-Васат” бо 9 имтиёз дар садри ҷадвал нишастааст. "Ал-Файсал" 8 хол ва "Триполи" 4 имтиёз доранд. “Истиқлол” ҳамагӣ як имтиёз дошта, зинаи охирро муаррифӣ мекунад.

Дар даври 5-уми мусобиқа (26 апрел) "Истиқлол" бо "Ал-Файсал" ва "Триполи" бо "Нафт ал-Васат"-у дар даври 6-ум (10 май) "Истиқлол" бо "Триполи" ва "Нафт ал-Васат" бо "Ал-Файсал" қувва меозмоянд. Новобаста аз натиҷаи ин бозиҳо "Истиқлол" ба даври баъдӣ роҳ намеёбад.

Мӯҳр

Хабарҳои монанд:

Ин футболистои точик дар хурди кашаро камтар хурдагианд. Аз ин ру хеч гох бар ягон ракиби более менее бохунар галаба карда наметавонанд.

Ҷавоб диҳед Иқтибос Шикоят

nabi farhor

Бовар кунед ин бозингарони Истиклол якбора шарманда карданд.Дируз бо чи хел тайёрихо ба майдон барои мухлиси рафтем,парчам харидем,дудикхо харидем.аммо бе натича.Аз он чо гушхо кашоллллл баргаштем.Шарм надошта боз мухофизон мегуянд,ки чипта надоред ба майдон надароед.Майдони футбол холист,дар беруни майдон тало-туп.Агар Истиклол ягон камандаи дигарро мебрид,мо чиптаро 10с-нею 100с-мехаридем.

Ҷавоб диҳед Иқтибос Шикоят

Mawlono

Бехтар аст ки ин тимро аз нав аз хисоби футболбозони лоик ташкил кунанд. Айб аст.

Ҷавоб диҳед Иқтибос Шикоят

Рустам

Аз ҳукумати кишвар хоҳиш мекунам, ки футболбозони тими миллӣ ва дастаи "Истиқлол"-ро ба ноҳияи Носири Хусрав бифиристад, то дар маъракаи кишту кори тарбузу харбуза ва ҷамоварии онҳо ба деҳқонон ёрии ройгони хешро расонанд, ана дар он сурат аз онҳо натиҷаи хуброинтизор шудан мумкин аст.

Ҷавоб диҳед Иқтибос Шикоят

Солех

Хамаашонро аз озмун гузаронида ба ансамбли раксии Падида рохат дихед.

Ҷавоб диҳед Иқтибос Шикоят

safar

Истиклол шарманда кард Вой бар холи футболи точик!Истиклол бо тагабози факат тимхои точикистона мебарад Аз сартренер то бозингаронаша ба истеъфол равон кунед

Ҷавоб диҳед Иқтибос Шикоят

Эзоҳ илова кунед