11 апр 2016 12:19Тоҷикистон / Сиёсат / Тема дня

Эълони номи ду вакили нав: Номзади ҲХДТ шикаст хӯрд

Комиссияи марказии интихобот ва раъйпурии Тоҷикистон натиҷаи интихоботи миёнадаврӣ барои вакилӣ дар Маҷлиси намояндагонро эълон кард.

Тавре аз ин ниҳод ба “Озодагон” иттилоъ доданд, дар ҳавзаи якмандатии интихоботии Фирдавсӣ №1, Эмомалӣ Насриддинов, декани факултаи ҳуқуқшиносии Донишгоҳи миллии Тоҷикистон, номзад аз Ҳизби ҳокими халқӣ-демократии Тоҷикистон бо 83,4 фоизи овозҳо пирӯз шудааст.

Ба иттилои манбаъ дар ҳавзаи интихоботии Ҷаббор Расулов №16 Баҳодур Акрамзода, номзади худпешбар бо 58,5 фоизи овозҳо ғолиб шудааст. Дар ҳавзаи Ҷаббор Расулов номзади ҳизби ҳоким - Алиҷон Саидзода, ки раҳбарии дастгоҳи ҳукумати ноҳияи Зафарободро ба уҳда дошт, шикаст хӯрдаст.

Ғолибони ин интихобот акнун дар Маҷлиси намояндагон курсиҳои холимондаи собиқ вакилони Маҷлиси намояндагон- Маҳмадалӣ Ватанзода ва Комилҷон Салимзодаро соҳибӣ хоҳанд кард. Маҳмадалӣ Ватанзода чанде пеш ёрдамчии Президенти Тоҷикистон оид ба масъалаҳои ҳуқуқӣ, намояндаи Президент дар Маҷлиси Олӣ ва Комилҷон Саидзода, раиси ноҳияи Ҷаббор Расулов таъин гардиданд.

Мӯҳр

Хабарҳои монанд:

Қурбон

Аз рӯи маълумотҳои дастрасшуда Баҳодур Акрамзода аъзои ҳизби ҳоким аст. пас сарлавҳа мантиқ надорад. Аз ҲХДТ иштирок кардани ду номзад- яке худпешбарӣ ва дигаре тавассути конфронси ҳизбӣ шаҳодат аз он медиҳад, ки имруз дар ҲХДТ рақобати солими дохилиҳизбӣ ҳукмфармост ва ин як рукни демократия аст. Бо сарлавҳаҳои ғаразнок мардумро ба иштибоҳ наандозед муҳтарам Озодагон

Ҷавоб диҳед Иқтибос Шикоят

Илҳом

Рост аст! Зеро Баҳодур Акрамзода низ аъзои ҲХДТ аст. Дар рӯзномаи Минбари халқ барномаи ҳар ду номзад нашр шуда буд. Дар рӯзномаи марказии ҳизб чоп шудани барномаи пешазинтихоботии номзади худпешбар аз он шаҳодат медиҳад, ки Баҳодур Акрамзода низ аьзои ҳизби ҳоким аст

Ҷавоб диҳед Иқтибос Шикоят

Эзоҳ илова кунед